काठमाडौं– नेपालमा २०७५ मै महिला टी–२० फ्रेन्चाइज क्रिकेट लिग गर्ने घोषणा गरिएको थियो, त्यो पनि एउटा होइन दुई वटा।
गत फागुन २ गते क्विन्स इभेन्ट म्यानेजमेन्ट प्रालीले पत्रकार सम्मेलन आयोजना गर्दै चैत २२ देखि ३० गतेसम्म वुमेन्स च्याम्पियन्स लिग (डब्लुसिएल) टी–२० लिग गर्ने घोषणा गरेको थियो। प्रतियोगिता कीर्तिपुरस्थित टियू मैदानमा हुने आयोजकले बताएको थियो।
फागुन ३ गते एनसिएल स्पोर्ट्स प्रालीले 'एनसिएल वुमन्स टि २० क्रिकेट लिग' आयोजना गर्ने घोषणा गर्यो। चैत १ देखि ९ गतेसम्म विराटनगरको विराटनगरको बैजनाथपुर क्रिकेट मैदानमा प्रतियोगिता सञ्चालन गरिने आयोजकको भनाइ थियो। पछि मिति सारेर वैशाख ७ देखि १४ सम्म गर्ने आयोजकले जनाएको थियो।
तर दुवै आयोजकले भनेको मितिमा प्रतियोगिता आयोजना गर्न सकेनन्। एनसिएल स्पोर्ट्सले टिम घोषणा र खेलाडी अक्सन सम्पन्न गरिसकेको छ। क्विन्स इभेन्ट म्यानेजमेन्ट प्रालीले शुक्रबार टिम घोषणा गर्ने कार्यक्रम राखेको छ।
बिहीबार दुवै आयोजकले प्रतियोगिताको आयोजना मिति सारिएको प्रेस विज्ञप्तिमार्फत जनाएका छन्। क्विन्स इभेन्टले आगामी जेठ ३ देखि ११ गतेसम्म प्रतियोगिता आयोजना गर्ने जनाएको छ। लगत्तै एनसिएल स्पोर्ट्स प्रालीले जेठ ६ देखि १३ गतेसम्म प्रतियोगिता आयोजना गर्ने जनाएको छ। जस कारण दुई लिगको मिति जुधेको छ। दुवै लिगमा खेल्ने महिला खेलाडी एकै भएकाले प्रतियोगिता नै अन्योलमा परेको छ।
अर्कोतर्फ विराटनगरमा गर्ने भनिएको एनसिएल कीर्तिपुरस्थित टियू मैदान गरिने आयोजकले जनाएको छ। जसकरण दुवै लिगको भेन्यू समेत जुधेको छ। एकै भेन्यूमा दुई प्रतियोगिता एकै पटक हुन नसक्ने पक्का छ।
सम्बन्धित समाचारहरु :
चैत अन्तिम साता वुमेन्स च्याम्पियन्स लिग हुने, ५ सहरका फ्रेन्चाइज टिमबीच प्रतिस्पर्धा
एक महिनामा दुई महिला क्रिकेट लिग, एनसिएल वुमन्स टी-२० क्रिकेट लिग चैत दोस्रो साता
एनसिएल महिला टी– २० मा १० खेलाडी महँगा, रेखा थापाको काठमाडौंमा ३ जना
वुमेन्स च्याम्पियन्स लिग जेठ पहिलो साता, मार्की खेलाडी र टिम शुक्रबार घोषणा गरिने
एनसिएल प्रालीले बिहीबार जारी गरेको प्रेस विज्ञप्ती
आदर्णिय पत्रकार साथीहरु,
एन सी एल स्पोर्ट्स प्रा लि द्वारा यसअघि बिराटनगरको बैजनाथ क्रिकेट मैदानमा आगामी बैसाख ७-१४ सम्म संचालन हुने तय भएको 'वोमेंस टि२० लिग' को प्रतियोगिताको मिति र स्थान परिवर्तन भएको जानकारी गराउन चाहन्छौ !
एनसिएल स्पोर्ट्स प्रालिले राखेपको समन्वयमा 'वोमेन्स टि२० लिग क्रिकेट प्रतियोगिता' आगामी जेष्ठ ६-१३, २०७६ मा काठमाडौ किर्तिपुर स्थित टियु क्रिकेट मैदानमा सन्चालन हुने तय गरेको जानकारी गराउन चाहन्छौं, सोही अनुसार राखेप मार्फत उपरोक्त मैदानको बुकिङ्ग गरिसकिएको छ !
रा खे प द्वारा आयोजना हुँदै गरेको आठौ रास्ट्रीय खेलकुद अन्तर्गतको 'महिला क्रिकेट' को मिति यश अघिको वोमेन्स टि२० क्रिकेट लिगको मिति सङ्ग जुधेको कारण नया मिति सार्बजनिक गरिएको हो ! बिराटनगरको तापक्रम सङ्गै अन्य मौसम यो सिजनमा क्रिकेट प्रतियोगिता संचालन गर्न योग्य नहुने सुझाव प्रतियोगिताको प्राबिधिक समिति, टिम ओनर, टिमका मार्की खेलाडीहरु सङ्गै सम्पुर्ण क्रिकेट सम्बद्ध ब्यक्ती/सन्स्थाहरुको सुझावका कारण प्रतियोगिता काठमाडौमा गर्ने निर्णय भएको हो !
प्रतियोगितामा अक्सन मार्फत हरेक टिमले १३/१३ जना खेलाडिहरु खरिद गरेसकेका छन !
नेपाली महिला राष्ट्रिय टोलीकी कप्तान रुबिना क्षेत्री, टोलीकी सदस्य सिता रानामगर, नेरि थापा, करुणा भन्डारी चार अलग अलग टोलीको मार्की खेलाडीका रुपमा यसअघि नै अनुबन्ध गरिसकिएको छ !
क्रिकेट लिगमा ४ सहरका ४ फ्रेन्चाइज्ड टोलीकोहरुको सहभागिता रहनेछ । सहभागी टोलीका मालिकहरु अनुप सक्सेना (विराटनगर रोअरिङ्ग लायोनेस) , अनिल भण्डारी (भैरहवा क्विन्स), बिमोचन उप्रेती (धनगढी वन्डर वोमेन), रेखा थापा (काठमाडौ सुपर च्याम्पियन्स) रहेका छन्।
Jay Raj Roy
Chairman
क्विन्स इभेन्ट म्यानेजमेन्ट प्रालीको प्रेस विज्ञप्ती :
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1765528419.png)
-1763721444.png)
-1765273665.jpg)
