नेकपा अध्यक्ष प्रचण्डलाई अमेरिकास्थित नेपाली दूतावासमा स्वागत

प्रवास

नेपाल लाइभ बुधबार, चैत ६, २०७५ ०७:५१

काठमाडाैं- पत्नी सीता दाहालकाे उपचारका लागि अमेरिका पुगेका पूर्वप्रधानमन्त्री एवम् नेकपा अध्यक्ष पुष्पकमल दाहाल 'प्रचण्ड' नेपाली राजदूतावास पुगेका छन्।

वासिंगटन डिसीस्थित नेपाली दूतावासमा प्रचण्डलाई अमेरिकाका लागि नेपालका राजदूत डा अर्जुन कुमार कार्की तथा कार्यालयका कर्मचारीले स्वागत गरेका थिए।

साे क्रममा राजदूत कार्की पछिल्लाे अमेरिकी रणनीति तथा राजदूतावासकाे कार्य सम्पादनका बारेमा ब्रिफिङ गरेका थिए।

पत्नी सीता दाहालकाे उपचारका लागि प्रचण्ड स्वकीय सचिव तथा छोरी गंगा दाहालसहित आइतबार साँझ अमेरिकातर्फ प्रस्थान गरेका थिए।

अमेरिकाको जोन होप्किन्स अस्पतालमा उपचार गराइरहेकी प्रचण्ड पत्नी सीतालाई प्रोग्रेसिभ सुपर न्यूक्लियर प्लासी (पिएसपी) भएकाे केही महिना अघि सिंगापुरमा पुष्टि भएकाे थियाे। कात्तिकमा उनले सीतालाई म्याग्दीको तातोपानी कुण्डमा नुहाउन लगेका थिए।

प्रचण्डविरुद्ध युद्ध अपराध र आतंकवादी कार्यमा संलग्न भएको आराेपमा बाल्टीमोरस्थित संघीय ब्युरोमा उजुरी हालिएकाे छ। केन्टुकी स्टेट युनिभर्सिटीमा कार्यरत डा तिलक श्रेष्ठले प्रचण्डविरुद्ध उजुरी गरेका हुन्।

'आतंकवादी भनेर चिनिएका पुष्पकमल दाहाल नेपालबाट आएका छन्। उनी अमेरिकाको आतकंककारी सूचीमा रहेका थिए। उनी संलग्न भएको गतिविधिका कारण १७ हजारभन्दा बढी गरिब नेपाली मारिएका थिए। पत्नी सीता दाहालको उपचारका लागि उनी अमेरिकाको जोन होप्किन्स अस्पतालमा छन्,' डा श्रेष्ठले दायर गरेको उजुरीमा उल्लेख थियाे।

(तस्बिर- गंगा दाहालकाे फेसबुकबाट)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

१०औँ राष्ट्रिय खेलकुद प्रतियोगिता तोकिएकै समयमा आयोजना गर्न निर्देशन

करिब ४० प्रतिशत किशोरीले ‘एचपिभी’ खोप लगाए

पूर्वमन्त्री मीन विश्वकर्माविरूद्ध हर्क साम्पाङको अख्तियारमा उजुरी