काठमाडौं- काठमाडौ उपत्यकाका डाँडामा हिमपात भएको छ। उपत्यकाका डाँडामा भएका हिमपातले उपत्यका वरिपरिका डाँडा सेताम्य भएका छन्।
बुधबार रातीदेखि परेको पानी र वर्षाले उपत्यकामा निकै चिसो महसुस भएको छ।
यसैबीच आगामी तीन दिनसम्म मौसम बदली भइरहने जल तथा मौसम पूर्वानुमान महाशाखाले जानकारी दिएको छ। महाशाखाले जारी गरेको सूचना अनुसार आगामी तीन दिनसम्म देशका विभिन्न भागमा बदली,वर्षा र देशका उच्च पहाडी तथा हिमाली भागमा हिमपात हुने जानकारी दिएको हो।
बिहिबार दिउँसो देशका पूर्वी तथा मध्य भू-भागमा सामान्य बदली रही पश्चिमी पहाडी क्षेत्रमा आंशिकदेखि सामान्य बदली रहने छ भने बाँकी भु-भागमा आंशिक बदली रहने महाशाखाको पूर्वानुमान छ। पूर्वि तथा मध्य भू-भाग लगायत पश्चिमी पहाडी भू-भागका केही स्थानमा मेघगर्जन सहित हल्का वर्षाको संभावना रहेको छ। देशका उच्च हिमाली भु-भागहरूमा हल्का हिमपातको सम्भावना रहेको सूचनामा उल्लेख छ।
बिहिबार राति देशका पूर्वी तथा मध्य भू-भागलगायत पश्चिमी पहाडी क्षेत्रमा आंशिक बदली र बाँकी भु-भागमा मौसम सामान्यतया सफा रहनेछ बताइएको छ। पूर्वी पहाडी भू-भागका केही स्थानमा मेघगर्जनसहित हल्का वर्षाको संभावना रहेको छ।
फाल्गुन १७ गते अर्थात् शुक्रवार दिउँसो देशका पहाडी भु-भागमा आंसिक बदली रहने र बाँकी भु-भागमा मौसम सामान्यतया सफा रहने जानकारी दिइएको छ। पहाडी भूभागका १-२ स्थानहरुमा मेघ गर्जन सहित हल्का वर्षाको संभावना छ।
शुक्रबार राती पहाडी भागमा आंशिक बदली रहने र बाँकी भू-भागमा मौसम सामान्यतया सफा रहने बताइएको छ। पहाडी भूभागका १-२ स्थानहरुमा मेघगर्जनसहित हल्का वर्षाको संभावना रहेको महाशाखाले जानकारी दिएको छ।
फाल्गुन १८ गते अर्थात् शनिबार दिउँसो पश्चिमी र मध्य भागहरुमा सामान्य बदली तथा पूर्वी भागमा आंशिक बदली रहनेछ। पश्चिमी र अन्य पहाडी भागका केही स्थानमा हल्का वर्षाको संभावना रहेको छ। देशका उच्च हिमाली क्षेत्रका केही भागमा हिमपातको सम्भावना रहेको पूर्वानुमान गरिएको छ।
शुनिबार राती देशभर सामान्यतया मौसम बदली रहने र पश्चिमी क्षेत्रका केही स्थानका साथै अन्य क्षेत्रमा मेघ गर्जन सहित वर्षाको संभावना रहेको अनुमान गरिएको छ। देशका उच्च हिमाली भु-भागहरूमा हल्का हिमपातको सम्भावना रहेको महाशाखाको पूर्वानुमान छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
