जनकपुर- चट्याङ लागेर आज पर्साको विरगञ्जमा १ महिलाको मृत्यु भएको छ भने एक महिला घाइते भएकी छिन्।
मुत्यु हुनेमा वीरगन्ज महानगरपालिका-२० हरपतगन्जकी ३० वर्षीया रुआएदा खातुन रहेको प्रहरीले जनाएको छ। चट्याङले ४० वर्षीया सायदा खातुन गम्भीर घाइते भएकी छिन्।
दिउँसो घर बाहिर निस्किएको बेला वर्षा हुन थालेपछि रुआएदा र सायदा दुबै जना गाउँ मै रहेको आँपको रुपमुखि बसिरहेको बेला एक्कासी चट्याङ पर्दा दुबै जना गम्भीर घाइते भएका थिए।
चट्याङ लागेको स्थानीयले देखेपछि दुबै घाइतेलाई उद्धार गरी तत्कालै बहुअरी गण्डकस्थित वीरगन्ज हेल्थ केयर अस्पतालमा पुर्याएका थिए। अस्पतालमा उपचारको क्रममा रुआएदाको मृत्यु भएको पर्साका प्रहरी उपरीक्षक रेवती ढकालले बताए।
मृतकको शव नारायणी उपक्षेत्रीय अस्पतलामा पोष्टमार्टमपछि परिवारको जिम्मा लगाइएको प्रहरी उपरीक्षक ढकालले बताए। गम्भीर घाइते सायदाको हेल्थ केयरमै उपचार भइरहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
