काठमाडौं– पाइलटहरुको सीप परीक्षण प्रमाणपत्र (पिपिसी) नविकरण नहुँदा नेपाल वायुसेवा निगमको बोइङ ७५७ जहाजको उडान सुचारु हुन सकेको छैन। २५ दिनदेखि विमानस्थलमा ग्राउन्डेड भएर बसेको सो विमान मर्मतपछि मलेसियाबाट नेपाल ल्याउन उडिरहेका समयमा विङ्इङ स्क्रिन बिग्रेको थियो।
ग्राउन्डेड जहाज पुनः मर्मतपछि उडान योग्य भइसकेको छ। तर, जहाज उडाउने ४ पाइलटको सीप परीक्षण प्रमाणपत्र नवीकरण नहुँदा जहाज कहिलेबाट उड्ने निश्चित हुन सकेको छैन।पाइटलको पिपीसी वर्षमा दुई पटक नवीकरण गर्नुपर्ने हुन्छ।
पीपीसका लागि एयरलाइन्सले नेपाल नागरिक उड्डयन प्राधिकरणबाट अनुमति लिएर ट्रेनिङ सेन्टर रहेको देशमा जानुपर्छ। तर, बोइङ उडान गर्दै आएको चारै जना पाइलटको पीपीसी नविकरणका लागि प्रक्रियासमेत थालनी नभएको एयरलाइन्सका एक वरिष्ठ पाइलटले जानकारी दिए।
तर, एनएसीका प्रवक्ता पाइलट विजय लामाले भने सो विमानको उडान गराउने वा नगराउने भन्ने अन्योल रहेकाले पीपीसी नवीकरणमा समस्या आएको बताए। उनले बोइङ जहाज उडानलाई पनि निरन्तरता दिइने बताए। यो विषयमा अध्ययन गर्न गठित कमिटीले प्रतिवेदन तयार पारिसकेको समेत उनको भनाइ छ। पीपीस नवीकरण हुन बाँकी पाइलटको केही दिनभित्रै नविकरण हुने र जहाज पनि उडने उनले बताए।
पीपीसी नवीकरण नभएका कारण उडान नगर्ने विमान चालकका लागि निगमले प्रतिपाइलट मासिक ४५ घन्टाको ग्यारेन्टी उडान वापत २ लाख रुपैयाँ भन्दा बढी खर्च गर्दै आएको छ।
मार्चदेखि दिल्ली उडान कटौती
पाइलटको पीपीसी नवीकरण नगरी जहाज ग्राउन्डेड गराउने नेपाल एयरलाइन्सले एयर बस ३२०लाई भने नियमित मर्मतमा पठाउने भएको छ। एयरबस मर्मतका लागि सिंगापुर लैजान लागिएको हो। जहाज मर्मतमा पठाउने निर्णयसँगै मार्चदेखि काठमाडौं–दिल्लीको रातीको उडानसमेत कटौती गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791984972.png)
-1786602170.png)
