काठमाडौं- न्यायपरिषद्ले उच्च अदालतका ७ न्यायाधीशलाई काज सरुवा गर्ने निर्णय गरेको छ। फागुन १ गते बसेको परिषद्काे बैठकले प्रधानन्यायाधीश चोलेन्द्र शमशेर राणासमक्ष काज सरुवा गर्न सिफारिस गरेको हो।
परिषद्को बैठकले अन्य अदालतमा रहेका दुई न्यायाधीशलाई विराटनगर उच्च अदालतमा काज सरुवा गरेको हो। उच्च अदालत विराटनगरका मुख्यसहित ७ न्यायाधीश ३८ सय किलो सुन तस्करी प्रकरणमा तानिएपछि उक्त स्नाथमा अन्य जिल्लामा कार्यरत रहेका न्यायाधीशहरुलाई सरुवा गरिएको हो।
उच्च अदातल तुल्सीपुरको नेपालगञ्ज इजलाशका न्यायाधीश प्रेमराज कार्की र उच्च अदातल पोखराका विरबहादुर डाँगीलाई विराटनगर काजमा सरुवा गरिएको हो। उच्च अदालत पाटनका न्यायाधीश राजकुमार वनलाई उच्च अदालत दिपायलमा, उच्च अदालत पाटनका हेमराज पन्तलाई उच्च अदालत तुल्सीपुर, नेपालगञ्ज इजलास सरुवा गर्न सिफारिस गरिएको छ।
बालकृष्ण उप्रेती उच्च अदालत जनकपुर, प्रभा बस्नेत र टेकप्रसाद ढुङ्गानालाई उच्च अदालत पाटनमा काज सरुवा गरिएको छ।
बैठकले राजस्व न्यायाधीकरण विराटनगरको रिक्त कानुन सदस्य एवम् अध्यक्षमा उच्च अदालतका न्यायाधीश प्रेमराज कार्कीलाई र राजस्व न्यायाधीकरण नेपालगञ्जको रिक्त कानुन सदस्य एवम् अध्यक्षमा उच्च अदालतका न्यायाधीश हेमराज पन्तलाई तोक्न सरकारलाई राय दिने दिने निर्णय परिषद्ले गरेको छ।
उच्च अदालत विराटनगरका न्यायाधीश शेखरप्रसाद पौडेललाई अदालतका कामसमेत गर्नेगरी विराटनगर जुट मिल्स लिमिटेडमा भएको अनियमितताको छानबिन गरी प्रतिवेदन पेस गर्न जाँचबुझ आयोग खटाउनसमेत सरकारलाई परामर्श दिने निर्णय गरेको छ।
यस्ताे छ काज सरुवा हुने न्यायाधीशकाे सूची-
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
