डडेलधुरा– डडेलधुरा सदरमुकाममा फेरि भिषण आगलागी भएको छ। गएराति १२ः३० बजेको समयमा अमरगढी नगरपालिका–५, बगरकोटमा आगलागी हुदाँ ९ पसल जलेर नष्ट भएका जिल्ला प्रहरी कार्यालय डडेलधुराले जनाएको छ।
पछिल्लो २ सातामा डडेलधरा सदरमुकाममा भएको आगलागीको यो चौथो घटना हो। एकपछि अर्को गर्दै भइरहेका आगलागीका घटनालाई लिएर बजार क्षेत्रका व्यवसायी तथा व्यापारीहरु संशकित भइरहेको बेला घटनामा संलग्न रहेको भन्दै एक जनालाई नियन्त्रणमा लिई अनुसन्धान थालेको जिल्ला प्रहरी कार्यालय डडेलधुराका प्रहरी नायब उपरीक्षक डम्बरबहादुर केसीले जानकारी दिए।
पक्राउ परेका व्यक्तिको नाम ठेगाना नखुलाइएए पनि उनी आगलागी पीडितकै आफन्त रहेको बताएको छ। उनले आगो लगाएको प्रहरीसामु स्वीकार गरेको प्रहरी नायब उपरीक्षक केसीले बताए।
करिब २ घण्टापछि अमरगढी नगरपालिकको दमकल, नेपाली सेना, नेपाल प्रहरी, सशस्त्र प्रहरी र स्थानीयको सहयोगमा आगो नियन्त्रमा लिइएको थियो।
सधैंजसो आगलागीका घटना हुँनु रहस्यमय भएको स्थानीय व्यापारीहरुले भनाइ छ। उच्च सुरक्षा सतर्कता अपनाउन व्यापारीहरुले माग गरेका छन्।
गत हप्ता मात्र डडेलधुरामा लगातार ३ पटक आगलागी हुँदा करिब ८७ लाख बराबरको क्षति भएको थियो। दुई साताका बीचमा भएको आगलागीबाट यहाँ १४ पसल जलेर नष्ट भएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
