काठमाडौं– कर्मचारी समायोजनका लागि सामान्य प्रशासन मन्त्रालयले तयार पारेको सहसचिवहरुको जेष्ठताको बरियतामा भ्रष्टाचारको मुद्दा खेपिरहेका चूडामणि शर्मा परेका छन्। आज सार्वजनिक भएको सूचीमा उनी पहिलो नम्बरमा रहेका छन्।
समायोजन प्रक्रियामा मन्त्रालयले प्रशासन समूहतर्फका सहसचिवहरुको बरियताक्रम सार्वजनिक गर्दा उनलाई पहिलो नम्बरमा जेष्ठता र अन्य आधारमा राखेको हो।
कर्मचारी समायोजनका लागि जेष्ठतालाई पहिलो आधार बनाइएकाले मन्त्रालयले जेष्ठताको सूची सार्वजनिक गरेको हो। शर्मा हाल निलम्बनमा रहेका छन्।
अख्तियार दुरुपयोग अनुसन्धान आयोगले शर्मालाई कर फर्स्योट आयोगमा रहँदा पदको दुरुपयोग गरी भ्रष्टाचार गरेको आरोपमा मुद्दा दायर गरेको थियो।
विशेष अदालतबाट उनी धरौटीमा रिहा भएका छन्। उनको मुद्दा अन्तिम सुनुवाइको पालो कुरेर बसिरहेको छ।
विशेषमा उनीसहित तत्कालीन आयोगका दुई सदस्यविरुद्ध पनि मुद्दा विचाराधीन रहेको छ। उनीसहित तीन जना विरुद्ध १० करोड असुल हुनुपर्ने भन्दै विशेष अदालतमा मुद्दासमेत दायर भएको छ।
यस्तो छ सूची
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
