काठमाडौं । गुण्डा नाइके भनेर चिनिएका गणेश लामाले नेपाली कांग्रेसलाई नयाँ पुस्ताको ऊर्जा र अग्रज नेताहरूको अनुभवलाई समेटेर अघि बढाउनुपर्ने बताएका छन ।
कांग्रेसको १५औँ महाधिवेशनमा खुलातर्फ केन्द्रीय सदस्य पदमा उम्मेदवारी दिएका लामाले आफूले लामो समयदेखि पार्टीमा काम गरेको अनुभवका आधारमा उम्मेदवारी दिएको बताए । उनले आफू दुई पटक महाधिवेशन प्रतिनिधि, दुई पटक महासमिति सदस्य र दुई पटक केन्द्रीय समितिमा रहेर काम गरिसकेको उल्लेख गरे ।
लामाले १४औँ महाधिवेशनपछि कांग्रेसले सञ्चालन गरेका ‘घर–घर नेपाली कांग्रेस, घर–घर जाऔँ, कांग्रेस जिताऔँ’ लगायतका अभियानमा विभिन्न जिल्लामा पुगेर संगठन निर्माणमा योगदान गरेको बताए ।
उनले भने, ‘दोलखा, मनाङ, सर्लाहीलगायत विभिन्न जिल्लामा पार्टीलाई संगठन गर्नका निमित्र् मैले योगदान गरेको छु । पार्टीसँग रहेका साथीहरूसँग घुलमिल हुने मौका पाएँ । त्यसकारण कसरी पार्टीलाई अझ बलियो बनाउन सकिन्छ भन्ने अनुभव पनि मसँग छ ।’
लामाले कांग्रेसले विधान संशोधनमार्फत युवा, महिला, अग्रज तथा विभिन्न समुदाय र समूहको प्रतिनिधित्व सुनिश्चित गर्ने व्यवस्था गरेको बताए। उनका अनुसार ३५ वर्षमुनिका नयाँ पुस्तालाई पार्टीको मूलधारमा जोड्ने गरी व्यवस्था गरिएको छ भने महिलाका लागि पनि विभिन्न तहमा प्रतिनिधित्व सुनिश्चित गरिएको छ ।
उनले पछिल्लो पुस्तालाई पार्टीमा जोड्दै अग्रज नेताहरूको अनुभव र युवाको ऊर्जालाई मिलाएर कांग्रेसलाई अघि बढाउनुपर्ने बताए ।
लामाले भने, ‘सिनियर नेताहरूको सल्लाह–सुझाव र युवाहरूको ऊर्जालाई मिलाएर नयाँ कांग्रेस बनाउने प्रयास भइरहेको छ । अहिले पार्टी सभापति गगनकुमार थापा पनि युवा हुनुहुन्छ र युवालाई बढी प्राथमिकता दिने गरी कांग्रेसलाई अघि बढाउन खोजिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
