पेरिस– फ्रान्समा चर्किएको आन्दोलनलाई मत्थर पार्न ‘पहेँला टिसर्टधारी’ आन्दोलनकारीको माग सम्बोधन हुने भएको छ। राष्ट्रपति इम्यानुएल म्याक्रोले संसदमा सम्बोधन गर्दै ‘पहेँला टिसर्टधारी’ आन्दोलनकारीको माग पुरा हुनेमा विश्वस्त पार्ने जनाइएको छ।
मंगलबार बस्ने संसद बैठकलाई फ्रान्सेली सरकारले यस विषयमा आश्वस्त पार्न प्रयास गर्ने समाचारमा जनाइएको छ।
पहेँला टिसर्टधारीहरुले आन्दोलनकै माध्यमबाट सरकारलाई दबाब दिने प्रयास गरिरहेका बताइएको छ।
सोमबार मात्रै फ्रान्सेली राष्ट्रपति म्याक्रोले राष्ट्रका नाममा सम्बोधन गरेका थिए। सम्बोधनका क्रममा उनले हाल फ्रान्समा जारी रहेको आन्दोलनलाई मत्थर पार्ने प्रयास गरेका थिए।
सम्बोधनपछि सरकारले मंगलबार संसदलाई आश्वस्त पार्ने प्रयाय पनि गर्न लागेको समाचारमा जनाइएको छ। सो घोषणामा हाल आन्दोलनमा जारी राखिएका मागहरुलाई राष्ट्रपतिले सम्बोधन गर्ने बताइएको छ।
महँगीविरुद्ध आन्दोलन चर्किएपछि दबाबमा परेका फ्रान्सका राष्ट्रपति म्याक्रोले तलब वृद्धि र कर छुटको घोषणा गरेका छन्। आन्दोलनमा इन्धनको मूल्य वृद्धिको निर्णय फिर्ता लिन र महँगी नियन्त्रण गर्न राष्ट्रवपतिसमक्ष माग गरिएको छ ।
तर, राष्ट्रपति म्याक्रो यी कामहरुमा असफल भएको आरोप आन्दोलनकारीहरुले लगाएका छन्। फ्रान्सेली राष्ट्रिय टेलिभिजनमार्फत देशबासीलाई सम्बोधन गर्दै उनले सन् २०१९ देखि न्यूनतम तलबमा मासिक एक सय यूरो बढाउने लगायतका घोषणा गरेका बताइएको छ।
कम आय भएका र पेन्सन बुझ्दै आएकाहरुमा लगाइएको कर पनि खारेज गरिएको राष्ट्रपति म्याक्रोले सो सम्बोधनमा बताएका थिए।
ओभर टाइमको आम्दानीमा पनि अब कर लाग्ने छैन। रोजगारदाताहरुलाई वर्षको अन्तिममा कर छुट र एकमुस्ट बोनस दिने गरी प्रोत्साहित गरिने उनले बताए। (रासस/सिन्ह्वा)
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766673313.png)
-1764146706.png)
-1766648928.png)
-1763721444.png)
