कोरियामा नेपाली : आत्महत्या घटाउन परामर्श

शिव भुसाल | २०७५ मङ्सिर ५ बुधबार | Wednesday, November 21, 2018 ०६:५०:२३ मा प्रकाशित

दक्षिण कोरिया– कोरियामा नेपालीहरूमा देखिएको बढ्दो तनाव, डिप्रेसन र त्यसका कारणले हुने आत्महत्याको न्यूनीकरणका लागि २ दिने परामर्श कार्यक्रम गरिने भएको छ।

_x000D_ _x000D_

नेपाली दुतावास दक्षिण कोरियाले गर्न लागेको उक्त कार्यक्रमका लागि प्रमुख परामर्शदाताका रुपमा नेपालबाट वरिष्ठ मनोविज्ञ केदार बहादुर रायमाझी आउने दुतावासले जनाएको छ। 

_x000D_ _x000D_

साइकोलोजी विषयमा स्नातकोत्तर गरेका रायमाझीले यसअघि पनि भैँसेपाटी स्थित  व्यावसायिक तथा सीप विकास केन्द्रमा कोरिया आउने नेपालीलाई प्रशिक्षण दिँदै आएका थिए।

_x000D_ _x000D_

कार्यक्रम आगामी डिसेम्बर १ र २ गरी २ दिनसम्म चल्ने दुतावासले जनाएको छ। डिसेम्बर १ को पहिलो कार्यक्रम छानान माइग्रेन्ट सेन्टरमा गरिने र दोस्रो दिनको कार्यक्रम मोप्पोस्थित हुन्दाई साम्गो हेभी इन्डष्ट्रिजमा गरिने तय भएको कोरियाका लागि नेपाली श्रम कन्सुलर डिल्लीराम बाँस्तोलाले जानकारी दिए।

_x000D_ _x000D_

हुन्दाई साम्गो हेभी इन्डष्ट्रिजमा मात्र १ सय ४० नेपाली कार्यरत छन्। 

_x000D_ _x000D_

कोरियामा पछिल्ला वर्षमा आत्महत्याको शृङ्खला बढिरहेको छ। नयाँ वर्ष यता ११ महिनामा आत्महत्या गर्ने नेपालीको संख्या ६ पुगेको छ। 

_x000D_ _x000D_

यसलाई न्यूनीकरण गर्नका निम्ति परामर्श गर्नुपरेको बाँस्तोलाले बताए।