रायपुर– भारतको छत्तीसगढमा मतदानको सुरक्षार्थ करिब एक लाख सुरक्षाकर्मी तैनाथ गरिएको छ। अाज(सोमबार) जारी मतदानका लागि यति ठूलो संख्यामा सुरक्षाकर्मी तैनाथ गरिएको हो।
_x000D_
_x000D_
छत्तीसगढ भारतमा माओवादीहरुको हिंसाबाट सबैभन्दा बढी प्रभावित राज्य हो। सो राज्यमा भारतीय माओवादीहरुले सशस्त्र हिंसात्मक गतिविधि गरिरहेका छन्।
_x000D_
_x000D_
यसै निर्वाचनलाई केन्द्रित गरेर माओवादीहरुले पनि यस हप्ता ठाउँ–ठाउँमा हिंसात्मक हमला जारी राखेका छन्। ती हमलाहरुमा परी पछिल्लो हप्तामात्र १३ जनाको हत्या भइसकेको छ।
_x000D_
_x000D_
मतदानको केही घन्टामात्र अघि आइतबार माओवादी सशस्त्र हतियारधारीहरुले गरेको सशस्त्र आक्रमणमा परी कम्तीमा एकजना प्रहरी अधिकृतको ज्यान गएको थियो भने अन्य केही घाइते भएका थिए।
_x000D_
_x000D_
छत्तीसगढ राज्यको कन्कार जिल्लामा यस्तो हमला भएको थियो। हमलापछि सो जिल्लामा पनि सुरक्षाको कडा प्रबन्ध अपनाइएको प्रहरीले जानकारी दिएको छ।
_x000D_
_x000D_
यहाँका माओवादीहरुले स्थानीय गरिब नागरिकको भूमिको अधिकार र जातीय अधिकारका लागि सशस्त्र विद्रोह गरिरहेको बताउने गरेका छन्। उनीहरुले सोमबारको मतदान बहिस्कार गर्न यस राज्यका मतदाताहरुलाई आग्रह पनि गरेका छन्।
_x000D_
_x000D_
आगामी वर्ष सन् २०१९ मा भारतमा आमनिर्वाचन हुँदैछ। तर, त्यस अगाडिको भारतको स्थानीय स्तरको यो निर्वाचन यस महिनामात्र पाँच राज्यमा हुँदैछ।
_x000D_
_x000D_
दोस्रो चरणको निर्वाचन यही नोभेम्बर २० मा हुँदैछ। दोस्रो चरणको निर्वाचन अघि पनि माओवादीहरुले हिंसा मच्चाउन सक्ने प्रहरीको अनुमान छ।
_x000D_
_x000D_
‘पहिलो चरणको निर्वाचनमा आवश्यक मात्रामा सुरक्षाको प्रबन्ध गर्नलाई करिब एक लाख जना सुरक्षाकर्मी खटाइएको छ।’, एकजना वरिष्ट प्रहरी अधिकारी डि एम अवस्थीले बताए। उनका अनुसार यसरी खटाइएका सुरक्षाकर्मीहरुमा भारतीय केन्द्रीय सेना पनि रहेका छन्।
_x000D_
_x000D_
ती मतदान क्षेत्रमा माओवादीहरुले वारुदी सुरङ बिछ्याउने गरेका छन्। त्यसैले कतिपय निर्वाचन अधिकारीहरुलाई हेलिकोप्टरबाट मतदानस्थलमा पुर्याउने गरिएको पनि प्रहरी अधिकारीहरुको भनाइ छ।
_x000D_
_x000D_
यस राज्यको सरकारमा गएको १५ वर्षदेखि भारतीय जनता पार्टीको नेतृत्व रहेको छ।
_x000D_
_x000D_
भारतीय जनता पार्टीका यस राज्यका मुख्यमन्त्री रमन सिंह तीन कार्यकालसम्म मुख्यमन्त्री पदमा आसिन छन्। उनले अबको कार्यकाल अथवा चौथो कार्यकालका लागि पनि आफू नै मुख्यमन्त्री हुने दाबी गरेका छन्।
_x000D_
_x000D_
तर, माओवादीहरुले भने उनको विरोध गरेका छन्। उनीहरुले मुख्यमन्त्री सिंहलाई राज्यको विकास गर्न नसकेको आरोप विगत लामो समयदेखि लगाउँदै आएका छन्।
_x000D_
_x000D_
भारतमा सशस्त्र विद्रोह गरिरहेका माओवादीहरु त्यहाँका १० भन्दा बढी जिल्लामा रहेको मानिएको छ। उनीहरुको उपस्थिति छत्तीसगढ, उडिसा, बिहार, झारखण्ड र महाराष्ट्रमा पनि ठूलो संख्यामा रहेको पाइन्छ। झारखण्डमा मात्र करिब एक करोड ५० लाख जनसंख्या रहेको छ।
_x000D_
_x000D_
भारतका अरु राज्यको तुलनामा यी राज्यहरुमा बढी मात्रामा गरिबी रहेको मानिन्छ। तर, माओवादीहरुले भने करिब पाँच दशक अघिदेखि भारतको बंगालबाट विद्रोह सुरु गरेका हुन्।
_x000D_
_x000D_
माओवादी विद्रोहका कारण कम्तीमा पनि दश हजार नागरिकको ज्यान गइसकेको बताइन्छ। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
-1763721444.png)
