दक्षिण कोरिया- कोरियामा बढ्दो बेरोजगारीको संख्याले अहिलेसम्मकै उच्च रेकर्ड कायम गरेको छ। जनवरीदेखि सेप्टेम्बरसम्म काम खोज्ने तर काम नपाउने कोरियनको संख्या सन् १९९७ को एसियन आर्थिक मन्दीको समयमा भन्दा पनि बढी रहेको शनिबार प्रकाशित एक तथ्यांकले देखाएको छ।
_x000D_
_x000D_
तथ्यांक अनुसार काम खोज्दाखोज्दै पनि ६ महिनासम्म बेरोजगार बस्नुपर्ने कोरियनको संख्या अहिलेसम्मकै उच्च हो। जनवरीदेखि सेप्टेम्बरसम्म औसतमा बेरोजगार बन्ने कोरियनको संख्या १ लाख ५२ हजार रहेको र यो संख्या गत वर्षको सुरुवातीभन्दा ६ दशमलव ९ प्रतिशतले बढी देखिन्छ।
_x000D_
_x000D_
यसअघि एसियन आर्थिक मन्दीताका सन् १९९९ देखि २००० को अवधिमा कोरियामा बेरोजगारीको संख्या औसतमा प्रतिमहिना १ लाख ४२ हजार रहेको थियो। योसँगै कोरियामा बेरोजगारीको संख्या अहिलेसम्मकै उच्च १ दशमलव १ मिलियन पुगेको छ। जुन प्रतिवर्ष ५१ हजारका दरले बढिरहेको छ। यो संख्या १९ वर्ष यताकै उच्च रहेको तथ्यांक कोरियाले जनाएको छ।
_x000D_
_x000D_
यसबीच रोजगारीका लागि धाइरहने कोरियनहरुको संख्या तीव्र गतिमा बढिरहेको छ। सेप्टेम्बरमा मात्रै ५ लाख १६ हजार कोरियन रोजगारीको खोजीमा थिए, जुन वर्षको सुरुवातीभन्दा ६ दशमलव ५ प्रतिशतले बढी हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
