काठमाडौं– ब्राजिलले फिफा विश्वकपमा हाइटीमाथि सहज जित हात पारेको छ ।
नेपाली समयअनुसार शनिबार बिहान अमेरिकाको फिलाडेल्फिया रंगशालामा भएको खेलमा ब्राजिलले हाइटीमाथि ३–० गोलको सहज जित हात पारेको हो ।
ब्राजिलको जितमा म्याथ्युस कुन्हाले दुई तथा भिनियस जुनियरले एक गोल गरे । कुन्हाले २३औँ र ३६औँ तथा भिनियसले पहिलो हाफको इन्जुरी समयमा गोल गरेका थिए ।
दोस्रो हाफमा भने दुवै टोलीले गोल गर्न सकेनन् ।
जारी विश्वकपमा ब्राजिलको यो पहिलो जित हो । ब्राजिलले पहिलो खेल मोरक्कोसँग बराबरी खेलेको थियो ।
यो जितसँगै ब्राजिल विश्वकप २०२६ मा शनिबार हाइटीलाई ३–० ले हराउँदै समूह 'सी' को शीर्ष स्थानमा उक्लेको छ ।
ब्राजिलको दुई खेलबाट चार अंक भएको छ र अन्तिम ३२ मा प्रवेशको सम्भावना बलियो भएको छ । मोरक्को पनि समान चार अंकमा रहेको छ । ब्राजिलले गोल अन्तरले अगाडि रहेको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1781922122.jpg)
-1764146706.png)
