कोरिया–कोरियामा अवैधानिक रुपमा बस्ने विदेशी विद्यार्थीको संख्या ९८ प्रतिशतले वृद्धि भएको छ। सन २०१६ यता कोरियामा अवैधानिक बन्ने विदेशी विद्यार्थीको वृद्धिदर ९७ दशमलव ७ प्रतिशत रहेको कोरियाको कानुन मन्त्रालयले जनाएको छ।
_x000D_
_x000D_
सन २०१६ को तथ्यांक अनुसार कोरियामा अवैधानिक रुपमा बस्ने विदेशी विद्यार्थीको संख्या ५ हजार ६ सय ५२ रहेकोमा अहिले यो संख्या बढेर ११ हजार १ सय ७६ पुगेको कोरियाको कानुन मन्त्रालयलाई उद्धृत गर्दै यहाँको डेमोक्रेटिक पार्टिका रिपोटर किम हाउ योङले बताएका छन्।
_x000D_
_x000D_
उनी भन्छन, ‘ट्युसन फिको लोभमा यहाँका कतिपय विश्वविद्यालयले विदेशी विद्यार्थीमाथि आँखा गाड्ने गरेको र भिसा सकिएपछि पनि यहाँ बस्न प्रेरित गरिरहेका छन्।’
_x000D_
_x000D_
तथ्याङकमा कोरियाको राजधानीमा १९ दशमलव ९ प्रतिशत अर्थात ३ हजार २४, ख्यङगी प्रान्तमा १४ दशमलव ५ प्रतिशत अर्थात २ हजार २ सय ६ जना, उत्तरी ख्यङसानमा ७ दशमलव ५ प्रतिशत अर्थात १ हजार ७ सय ३७ जना, उत्तरी जेला प्रान्तमा ५ दशमलव ९ प्रतिशत अर्थात ८ सय ९२ जना र बुसान क्षेत्रमा ३ दशमलव ६ प्रतिशत अर्थात ५ सय ३९ जना विद्यार्थी अवैधानीक रुपमा बस्दै आएको उल्लेख छ।
_x000D_
_x000D_
यो तथ्याङकले कोरियामा हाल १ लाख ६१ हजार ३ सय विदेशी विद्यार्थी अध्ययनरत रहेकोमा ७ प्रतिशत विद्याथी अवैधानिक रुपमा रहेको देखाएको छ।
_x000D_
_x000D_
कोरियामा घट्दो जन्मदर र यहाँका विद्याथी अन्य मुलुकमा अध्ययन गर्न जाने क्रम बढ्दै गएपछि विश्वविद्यालयमा विद्यार्थीको संख्या घट्दै गएको छ।
_x000D_
_x000D_
जसका कारण यहाँका विश्वविद्यालयले ट्युसन शुल्क घटाएर वा छात्रवृत्तिको लोभ देखाएर विदेशी विद्यार्थी धेरै भित्र्याउने रणनीति अपनाइरहेका छन्।
_x000D_
_x000D_
दक्षिण कोरियामा करिब १५ सयको हाराहारीमा नेपाली विद्यार्थी पनि अध्ययनरत छन्।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
