काठमाडौं- सरकारले वैदेशिक रोजगारीमा जान चाहने कामदारका हकमा राहदानी बनाएपछि अनिवार्य अभिमुखीकरण तालिम लिनुपर्ने व्यवस्था गर्ने भएको छ।
_x000D_
_x000D_
राहदानी बनाएपछि वैदेशिक रोजगारीमा जान इच्छुक व्यक्तिले दुई दिनको अभिमुखीकरण तालिम लिएपछि मात्र राहदानी म्यानपावरमा पेश गर्न पाउने नयाँ नियम कार्यान्वयमा ल्याउन लागिएको श्रम, रोजगार तथा सामाजिक सुरक्षा मन्त्रालयले जानकारी दिएको छ।
_x000D_
_x000D_
अब वैदेशिक रोजगारीमा जाने कामदारले अभिमुखीकरण तालिम लिएपछि मात्र म्यानपावर कम्पनीमा राहदानी पेश गर्ने पाउने छन्। वैदेशिक रोजगारीमा जाने कामदारका हकमा अहिले भिसा लागेपछि मात्र अनिवार्य दुई दिनको अभिमुखीकरण तामिल लिनुपर्ने व्यवस्था छ।
_x000D_
_x000D_
कामको खोजीमा विदेश जाने कामदारलाई अभिमुखीकरण तालिमको ढाँचा परिवर्तन गरेर तालिम दिनुपर्ने आवश्यक देखिएको श्रम, रोजगार तथा सामाजिक सुरक्षा मन्त्रालयका प्रवक्ता डा नारायण प्रसाद रेग्मीले बताएका छन्।
_x000D_
_x000D_
रोजगारीका लागि विदेशिने कामदारलाई सम्बन्धित देशका बारेमा सूचना र भाषामा आधारित भएर अभिमुखीकरण तालिम दिनुपर्ने आवश्यकता रहेको उनले बताएर्। नेपालबाटै रोजगारदाता देशका बारेमा सामान्य भाषा र कानुनी विषयमा जानकारी लिएर जाँदा कामदारलाई त्यहाँ पुगेपछि फाइदा हुन्छ। यो विषयमा मन्त्रालयले योजना र तालिम दिने संरचना निर्माण गरिरहेको छ’ रेग्मीले भने।
_x000D_
राम्रोसँग अभिमुखीकरण तालिम लिएर गएका नेपाली दलाल मार्फत् ठगिने र विदेशमा अलपत्र पर्ने सम्भावना कम हुने उनको भनाई छ।
_x000D_
_x000D_
वैदेशिक रोजगारीमा जाने कामदारले म्यानपावर कम्पनी, रोजगारदाता देश, ट्राभल एजेन्सी रोजगारदाता कम्पनी र मनी ट्रान्सफरका विषयमा जानकार हुनुपर्छ।
_x000D_
_x000D_
रोजगारदाता देशका बारेमा जानकारी राख्न सरकारले वैदशिक रोजगारीमा जानुअघि अनिवार्य दुई दिनको अभिमुखीकरण तालिम लिनुपर्ने व्यवस्था गरेको छ।
_x000D_
_x000D_
यो भन्दा अगाडी वैदेशिक रोजगारीमा जाने कामदारलाई भिसा लागेपछि मात्र म्यानपावर कम्पनीले पैसा अशुलेर अभिमुखीकरण तालिममा सहभागी नभएपनि प्रमाणपत्र उपलब्ध गराइदिने गरेका थिए। वैदेशिक रोजगारीमा जाने कामदारलाई अभिमुखीकरण तालिम दिने १ सय ८५ वटा संस्था छन्। यसमा उपत्यका बाहिर ४३ वटा छन्।
_x000D_
_x000D_
अभिमुखीकरण तालिमका लागि पुरुषलाई १ हजार र महिला ७ सय शुल्क तिर्नुपर्छ। महिलाले भने तालिम लिएपछि उक्त रकम फिर्ता पाउने गरेका छन्।
_x000D_
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
