काठमाडौं– आन्तरिक हवाई सेवा प्रदायक कम्पनीहरुमध्ये यती र तार एयरका विमान सबैभन्दा बढी दुर्घटनामा परेका नेपाल नागरिक उड्डयन प्राधिकरणले जनाएको छ। प्राधिकरणले सार्वजनिक गरेको ‘एभिएसन सेफ्टी रिपोर्ट २०१८’ मा हाल सञ्चालनमा रहेका विमान कम्पनीहरुमध्ये यती र तारा एयर सबैभन्दा बढी दुर्घटना हुने सूचीमा अग्रस्थानमा छन्।
_x000D_
_x000D_
यती र तारा एयर फरक–फरक नाम भएपनि दुवैका मालिक भने एकै हुन्। केही समय अगाडि मात्रै यती र तारा एउटै ‘कलसाइन’बाट उडान गर्ने निर्णयसमेत भइसकेको छ।
_x000D_
_x000D_
सन् १९९८ मा स्थापना भएको यती एयरलाइन्सको अहिलेसम्म ७ वटा विमान दुर्घटनामा परिसकेका छन्। यसैगरी यती एयरलाइन्सकै सहायक कम्पनीमा रहेको तारा एयरले सन् २००९ देखि आन्तरिक हवाई क्षेत्रमा सेवा सुरु गरेको थियो। सेवा सुरु गरेको १० वर्षमै तारा एयरका ५ वटा विमान दुर्घटना भइसकेका छन्।
_x000D_
_x000D_
यसबाहेक पनि यती र तारा एयरका विमान प्रायः अवतरण तथा उडानका बेला ‘रन–वे’बाट चिप्लिने तथा टायर लक हुने घटनाहरु भइरहेका छन्।
_x000D_
_x000D_
आन्तरिक उडानमा प्रवेश गरेको चौथो वर्षमा यतीको विमान पहिलो पटक दुर्घटनामा परेको थियो। तुम्लिङटारमा भएको सो दुर्घटनामा मानवीय क्षति भने भएको थिएन।
_x000D_
_x000D_
पहिलो विमान दुर्घटना भएको ३ वर्षपछि सन् २००४ मा यतिको अर्को विमान दुर्घटनामा पर्यो। सोलुखुम्बुको लाम्जुरामा भएको सो दुर्घटनामा ३ जनाको ज्यान गएको थियो।
_x000D_
_x000D_
त्यसपछि सन् २००६ मा एकै वर्ष यती एयरलाइन्सका २ वटा विमान दुर्घटनामा परे। जुम्ला विमानस्थलमा भएको दुर्घटनामा ९ जनाले ज्यान गुमाएका थिए भने बाजुरा विमानस्थलमा भएको दुर्घटनामा ३ जना घाइते भएका थिए।
_x000D_
_x000D_
त्यसको दुई वर्षपछि फेरि सन् २००८ मा लुक्लामा यतीको विमान दुर्घटना हुन पुग्यो। उक्त दुर्घटनामा विमान पूर्णरुपमा क्षति मात्रै भएन, ठूलो संख्यामा मानवीय क्षतिसमेत हुन पुग्यो। डिएचसी विमान दुर्घटनामा १८ जनाले ज्यान गुमाएका थिए।
_x000D_
_x000D_
लुक्ला दुर्घटनाको २ वर्षपछि फेरि सन् २०१० मा यतीको सहायक कम्पनीको रुपमा आएको तारा एयरको विमान दुर्घटना हुन पुग्यो। उडान सुरु गरेको दोस्रो वर्षमै ओखलढुंगामा भएको तारा एयरको विमान दुर्घटनामा २२ जनाको मृत्यु भएको रिपोर्टमा उल्लेख छ।
_x000D_
_x000D_
तर, सन् २०१२ मा डोल्पामा भएको तारा एयरको विमान दुर्घटनामा भने कुनै मानवीय क्षति भएन। त्यसपछि ४ वर्षसम्म यती र ताराका कुनै पनि विमान दुर्घटनामा परेनन्।
_x000D_
_x000D_
सन् २०१६ मा पुनः तारा एयरको विमान म्याग्दीमा दुर्घटनामा पर्यो। फेब्रुअरीमा भएको सो दुर्घटना तारा एयरको इतिहासकै सबैभन्दा धेरै मानवीय क्षति भएको दुर्घटना हुन पुग्यो। जसमा चालक दलका सदस्य सहित सबै २३ जना यात्रुले ज्यान गुमाएा थिए।
_x000D_
_x000D_
त्यसपछि पनि तारा र यतीका विमान दुर्घटना हुने क्रम रोकिएन। सबैभन्दा ठूलो दुर्घटना भएको ७ महिनापछि अर्थात सेप्टेम्बर २४ मा फेरि यतीको विमान भैरहवामा दुर्घटना हुन पुग्यो। तर, यो दुर्घटनामा मानवीय क्षति भने भएन।
_x000D_
_x000D_
सो दुर्घटनापश्चात् पनि यती र ताराका विमान दुर्घटनामा परेका छन्। तर, मानवीय क्षति भएको छैन। त्यसपछि सन् २०१७ मा सिमिकोट र २०१८ को जुनमा जुम्लामा गरी ताराका २ वटा विमान दुर्घटना भएका थिए।
_x000D_
_x000D_
गएको भदौमा पनि यतीको विमान अवतरणका क्रममा त्रिभुवन अन्तर्राष्ट्रिय विमानस्थलको ‘रन–वे’बाट चिप्लिएर दुर्घटना हुन पुगेको थियो। यो दुर्घटनामा पनि कुनै मानवीय क्षति भएन। तर, ‘रन–वे’बाट समयमै विमान हटाउन नसक्दा १२ घन्टासम्म विमानस्थलको हवाई सेवा ठप्प भएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
