काठमाडौं– नेकपा एमालेको सचिवालय बैठकले केन्द्रीय कमिटीमा मनोनयन हुने सदस्य तथा स्थायी कमिटीमा रहने नेताहरूको नाम टुंगो लगाएको छ।
च्यासलमा बसेको सचिवालय बैठकले अध्यक्ष केपी शर्मा ओलीको राजनीतिक प्रतिवेदनले पार्टीभित्र एकताको भाव पैदा गरेको निष्कर्षसमेत निकालेको छ।
बैठकपछि सञ्चारकर्मीसँग कुरा गर्दै एमाले उपमहासचिव लेखराज भट्टले अध्यक्ष ओलीको राजनीतिक प्रतिवेदनलाई पार्टीको तल्लो तहसम्म लैजाने विषयमा छलफल भएको जानकारी दिए।
उनका अनुसार प्रतिवेदनलाई एकरूपताका साथ बुझ्ने, अध्ययन गर्ने र त्यसको विषयवस्तु पार्टीका तल्ला तहसम्म सम्प्रेषण गर्ने विषयमा बैठकमा जोड दिइएको थियो।
‘अध्यक्षको प्रतिवेदनलाई कसरी तलसम्म सम्प्रेषण गर्ने भन्ने कुरालाई जोड दिइयो,’ भट्टले भने।
सचिवालय बैठकले केन्द्रीय कमिटीमा मनोनयन गरिने सदस्य र स्थायी कमिटीमा रहने नेताहरूको नामसमेत टुंग्याएको उनले बताए। यद्यपि ती नामहरू भने केन्द्रीय कमिटी बैठकमा पेस भएपछि मात्रै सार्वजनिक गरिने उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1789631269.jpg)
