बेँसीशहर– लमजुङको बेँसीशहर नगरपालिका–८ मा चरी बाघ भेटिएको छ। बेँसीशहर –८ का दलबहादुर पौडेलको केराका गाजमा लुकेर बसेको अवस्थामा आइतबार बाघ फेला परेको जिल्ला प्रहरी कार्यालय लमजुङका प्रहरी निरीक्षक थानेश्वर चपाईले जानकारी दिए।
उक्त स्थानमा चरी बाघ पसेको खबर आएपछि प्रहरी पुगेको थियो। प्रहरीसँगै डिभिजन वन कार्यालय लमजुङका कर्मचारीद्वारा बाघ नियन्त्रणमा लिने प्रयास गरे पनि पहिलो पटकमा असफल भएको थियो। पुनः डिभिजन कार्यालका फरेस्टर गुणाबहादुर ग्लानले बोराको सहायताले बाघलाई नियन्त्रणमा लिएका थिए।
डिभिजन वन कार्यालका प्रमुख सन्तोष खनालले बाघलाई नियन्त्रणमा लिएर पुनः जंगलमा लगेर छोडिएको बताए। उनले भने, ‘आहारा खोज्दै आउने क्रममा यहाँसम्म आइपुगेको हुनसक्छ।’ मान्छेलाई भने यस बाघले आक्रमण नगर्ने उनको भनाइ छ। जीवितै उद्धार गरेकाले भाले–पोथी नहेरी जङ्गलमा छाडिएको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
