धनगढी- कैलालीमा भएका दुई छुट्टाछुट्टै मोटरसाइकल दुर्घटनामा दुई जनाको मृत्यु भएको छ। भजनी नगरपालिका र गौरीगंगा नगरपालिकामा भएका दुर्घटनामा २२ वर्षीय रामबहादुर साउद र ४५ वर्षीय कुत्ते सार्कीको मृत्यु भएको प्रहरीले जनाएको छ।
भजनी नगरपालिका-५ लालबोजीमा सोमबार सुप प्र०१०१२प ९४५ नम्बरको मोटरसाइकल दुर्घटना हुँदा चालक साउदको मृत्यु भएको हो। गुडिरहेका बेला अनियन्त्रित भई मोटरसाइकल दुर्घटना हुँदा गम्भीर घाइते भएका साउदको उपचारका क्रममा भजनी प्राथमिक स्वास्थ्य केन्द्रमा मृत्यु भएको प्रहरीले जनाएको छ।
यस्तै सोमबार नै गौरीगंगा नगरपालिका–३ को कुचैनीमा से३प १४१७ नम्बरको मोटरसाइकल दुर्घटना हुँदा धनगढी उपमहानगरपालिका–१३ बस्ने ४५ वर्षीय सार्कीको मृत्यु भएको हो।
दुर्घटनामा मोटरसाइकल पछाडि बस्ने धनगढीकै ३९ वर्षीय तेजबहादुर सार्की घाइते भएको र उनको उपचार धनगढीस्थित सेती प्रादेशिक अस्पतालमा भइरहेको जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
