धनगढी– सुदुरपश्चिम प्रदेश सरकारका मुख्यमन्त्री कमल बहादुर शाह र नेपालस्थित इजरायली राजदूत ह्यानन गदरबीच भेटवार्ता भएको छ।
हाल काठमाडौंमा रहेका मुख्यमन्त्री शाहले इजराइलमा हमास समूहको आक्रमणपछि बेपत्ता रहेका कञ्चनपुरका विद्यार्थी विपिन जोशीको खोजीका विषयमा छलफल गर्न राजदूत गदरसँग भेटवार्ता गरेका हुन्।
राजदुत गदरले मुख्यमन्त्री शाहलाई स्वागत गर्दै सुदुरपश्चिम विश्वविद्यालयबाट ‘लर्न एण्ड अर्न’ कार्यक्रममा गएका बिद्यार्थी हमासको अक्रमणमा परी मृत्यु भएकाप्रति इजरायल सरकार निकै दुखी भएको बताए।
मुख्यमन्त्री शाहले सुदुरपश्चिम विश्वविद्यालयअन्तर्गत अध्ययनका लागि गएर हमास समूहको आक्रमणमा परी ज्यान गुमाएका १० नेपाली विद्यार्थीका परिवारजनका लागि राहत र क्षतिपूर्तिका साथै ज्यान गुमाउने विद्यार्थीका परिवारजनलाई भेट्नको लागि अनुरोध गरेको सचिवालयले जनाएको छ।
‘अहिलेसम्म बेपत्ता भएका कञ्चनपुरका विपिन जोशीको तत्काल खोजबिन गरी सकुशल उद्धार गर्न सबैसँग पहल गर्न र मारिएका व्यक्तिका परिवारलाई राहत र क्षतिपूर्तिको व्यवस्थापन गर्नुपर्ने’ भनेर मुख्यमन्त्री शाहीले आग्रह गरेका उनको सचिवालयका नृप सुनारले जानकारी दिए।
साथै सुदुरपश्चिम प्रदेश सरकारले २०८० फाल्गुन २३ र २४ गते आयोजना गर्न गइरहेको सुदुरपश्चिम प्रदेश लगानी तथा बिकास सम्मेलनमा पनि इजरायली सरकारको साथ, समर्थन र सहयोगका लागि आग्रह गरिएको उनको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
