काठमाडौं- रुकुमकोटको सोती घटनामा जिल्ला अदालतमा बहस सुरु भएको छ। न्यायाधीश खड्गबहादुर केसीको एकल इजलासमा बहस सुरु भएको हो।
जिल्ला सरकारी वकिल कार्यालयका रुकुमकोटका तर्फबाट सरकारी वकिलहरु राजेन्द्र रेग्मी र चन्द्रप्रसाद सिजालीले बहस गरेका छन्। उनीहरुले ओपनिङ बहस गर्दै घटना सुनियोजित भएको दाबी गरे।
उनीहरुले घटनामा संलग्नहरुको प्रकृति र जीवितहरुको बयानले घटना योजनावद्ध भएको तर्क गरेका छन्। घटनामा सबैको सहमति भएको र एकतर्फी रुपमा घरेलु हतियारको प्रयोग समेत गरेर विभत्स रुपमा घटना घटाइएको दाबी उनीहरुले गरे।
उनीहरुले घटनामा संलग्न सबैलाई फौजदारी अपराध संहिता अनुसार हदैसम्मको कैद र जरिवाना हुनुपर्ने माग गरे। उनीहरुले विवाहको कुरा गर्न आएका मानिसहरुलाई सम्झाएर पठाउने सक्ने र अन्य विकल्प हुँदाहुँदै घेरेर कुटपिट गरेको र संसदीय समितिसहित अन्यको छानबिनमा घटना नियोजित देखिएको इजलासमा तर्क गरे।
अन्तरजातीय विवाहको विषयलाई लिएर ३ वर्ष अगाडि रुकुमको चौरहजारीस्थित सोती गाउँमा नवराज विकसहित ६ जनाको हत्या भएको थियो।
१० जेठ २०७७ मा जाजरकोटको रानागाउँका २१ वर्षीय नवराज विक साथीसहित आफ्नी प्रेमिका रुकुम पश्चिमको चौरजहारी नगरपालिका–८ सोती गाउँकी मल्ल थरकी युवतीसँग विवाहको कुरा गर्न पुगेका थिए। दलितले ठकुरीकी छोरीसँग विवाह गर्न लागेको भन्दै सोती गाउँका स्थानीयले नवराजसहित उनका साथीलाई लेखेटेर हत्या थिए।
उक्त घटनामा ६ जनाको ज्यान गएको थियो भने १२ जना घाइते भएका थिए। मृतकहरुको शव भेरी नदीमा भेटिएको थियो।
घटनाका सन्दर्भमा छानबिन गर्न नेकपा माओवादी केन्द्रका सांसद देवेन्द्र पौडेलको संयोजकत्वमा संसदीय छानबिन समिति समेत गठन गरिएको थियो। संसदीय समितिले उक्त घटना नियोजित रुपमा भएको निष्कर्ष निकालेको थियो।
घटनाका सन्दर्भमा प्रहरीको अनुसन्धानपछि सोती गाउँका ३४ जनालाई प्रतिवादी बनाउँदै रुकुम पश्चिम जिल्ला अदालतमा मुद्दा दर्ता भएको थियो। प्रतिवादीहरु विरुद्ध कर्तव्य ज्यान, ज्यान मार्ने उद्योग र जातीय छुवाछुतको कसुरमा सजाय मागदाबी गरिएको छ।
मुद्दाका अभियुक्तमध्ये जिल्ला अदालतले २३ जनालाई पुर्पक्षका लागि थुनामा पठाउने आदेश गरेको थियो। ११ जनालाई भने तारेखमा छाडिएको थियो।
सो मुद्दामा आइतबारदेखि निरन्तर सुनुवाइ सुरु भएको र पहिलो दिन सरकारी वकिलले बहस गरेको जिल्ला अदालत रूकुम पश्चिमका सूचना अधिकारी गोविन्द कोइरालाले बताए। २४ जना वकिलहरूले बहस गर्ने भनी नाम लेखाएका छन्। दुवै पक्षमा बहसपछि जिल्ला अदालतले अन्तिम फैसला सुनाउनेछ।
अदालतका अनुसार वादीतर्फबाट जिल्ला न्यायाधिवक्ता चन्द्रबहादुर सिंजालीको नेतृत्वमा चार जना सरकारी वकिलले बहस गर्ने तयारी गरेका छन्। सोमबार अन्य सरकारी वकिलले बहस गर्नेछन्। पीडितका तर्फबाट बहस गर्न वरिष्ठ अधिवक्ता दिनेश त्रिपाठीसहित १२ जनाले नाम लेखाएका छन् भने प्रतिवादीकातर्फ आठ जना वकिलले बहस गर्ने तयारी गरेका छन्।
घटनामा नवराज विकसहित उनका साथीहरू सन्दीप विश्वकर्मा, टीकाराम सुनार, गणेश बुढा, लोकेन्द्र सुनार र गोविन्द शाहीको ज्यान गएको थियो।
सो घटना लगत्तै रूकुम पश्चिमका सांसद जनार्दन शर्माले पीडकहरूलाई बचाउ गर्ने गरी दिएको अभिव्यक्ति विवादास्पद बनेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1746778331.png)
-1746775497.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
