८ लाख रुपैयाँ नगदसहित सशस्त्र प्रहरीद्वारा १ जना पक्राउ

सुरक्षा/अपराध

नेपाल लाइभ आइतबार, मंसिर १७, २०८० १४:४७

काठमाडौं– स्रोत नखुलेको ८ लाख रुपैयाँसहित सशस्त्र प्रहरी बलको टोलीले १ जनालाई पक्राउ गरेको छ। सिरहा जिल्लाको बरियारपट्टी गाउँपालिका ३ चमारटोलस्थित सीमा क्षेत्रबाट शनिबार १ जनालाई नियन्त्रणमा लिइएको सशस्त्र प्रहरीले जनाएको छ।

पक्राउ पर्नेमा सिरहाको बरियारपट्टी गाउँपालिका–२ श्रीपुर बस्ने ४२ वर्षिय महोमद फिरोज रहेका जनाइएको छ। बोर्डर आउटपोस्ट बरियापट्टीबाट खटिएको सशस्त्र प्रहरी बलको टोलीले उनलाई पक्राउ गरेको हो।

भारतबाट साईकलमा नेपालतर्फ आउँदै गरेका उनलाई गस्तीमा खटिएको सुरक्षा फौजले जाँच गर्दा उनको साथ ८ लाख रुपैयाँ फेला परेको थियो। १ हजार दरको ४९६ वटा, ५०० दरको ६०३ वटा र १०० दरको २५ वटा नेपाली नोट फेला परेको हो।

उनले सो रकम कहाँबाट कुन प्रयोजनको लागि लिएको भन्ने स्रोत खुलाउन नसेकपछि नियन्त्रणमा लिएको सशस्त्र प्रहरीले जनाएको छ। नियन्त्रणमा लिइएका फिरोजलाई बरामद रुपैयाँ तथा साइकलसहित आवश्यक कारबाहीका लागि भन्सार कार्यालय मार्डरमा बुझाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

के समस्याले अस्पताल भर्ना भए माधव नेपाल?

सीके राउतको फुर्सद भएपछि पार्टी एकता हुन्छः रञ्जिता श्रेष्ठ

श्रीलङकाः हेलिकप्टर दुर्घटनाान छ जनाको मृत्यु, छ सख्त घाइते