सरकारी दस्तखत किर्ते गरेको कसुरमा नायब सुब्बा पक्राउ

समाचार

नेपाल लाइभ बुधबार, मंसिर १३, २०८० १६:००

उदयपुर– उदयपुर जिल्लाको त्रियुगा नगरपालिकाका राजस्व शाखाका प्रमुख, नायब सुब्बालाई सरकारी दस्तखत किर्ते गरेको कसुरमा प्रहरीले पक्राउ गरेको छ।

जिल्ला प्रहरी कार्यालयका अनुसार पक्राउ पर्नेमा ४७ वर्षीय गुरुप्रसाद ढकाल रहेका छन्। उनलाई खोजी गर्ने क्रममा सोमबार पक्राउ गरिएको जिल्ला प्रहरी कार्यालयका सूचना अधिकारी तथा प्रहरी नायब उपरीक्षक (डीएसपी) हरिनन्दन चौधरीले जानकारी दिए। चौधरीका अनुसार नगरपालिकामा कार्यरत रहँदा ढकालले जनप्रतिनिधि र अन्य कर्मचारीको किर्ते हस्तारक्षर गरेर आर्थिक कार्यका गतिविधि गरेको उजुरी अख्तियारमा परेको थियो।

आफूविरुद्ध अख्तियारमा उजुरी परेपछि सम्पर्कविहीन रहेका ढकाललाई प्रहरीले खोजी गरेर पक्राउ गरी अनुसन्धान सुरु गरेको चौधरीले बताए।

नगर प्रमुख वशन्तकुमार बस्नेतले ढकालले त्रियुगा नगरपालिकाको राजस्व शाखामा रहँदा विभिन्न जनप्रतिनिधिका नाममा किर्ते हस्ताक्षर गरेर गलत आर्थिक गतिविधि गरेको अख्तियारमा उजुरी परेपछि पक्राउ गरी कारबाही गर्न अख्तियारको पत्र आएकामा प्रहरीले सोहीका आधारमा पक्राउ गरेको बताए।

ढकालविरुद्ध एक महिनाअघि पक्राउ पुर्जी जारी भए पनि फरार रहेकाले पक्राउ गर्न समय लागेको प्रनाउ चौधरीको भनाइ छ। जिल्ला प्रहरी कार्यालयका अनुसार ढकालविरुद्ध पाँच दिनको म्याद थप गरेर अनुसन्धान सुरु गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आजको मौसम : यी स्थानमा भारी वर्षाको सम्भावना

बागमती प्रदेशसभाको बैठक असोज ६ मा

आइसीसी विश्वकप लिग २ : पहिलो खेलमा क्यानडासँग नेपालको फराकिलो हार