प्रसाद २ विवाद: हाजिरी जमानीमा छुटे ओएसआर डिजिटलका सञ्चालक अग्रवाल

समाचार

नेपाल लाइभ आइतबार, असोज २१, २०८० २०:४५

काठमाडौं– निर्माताको अनुमतिबिना फिल्म ‘प्रसाद २’ स्वदेश तथा विदेशमा प्रदर्शन गरी डेढ करोड हानी पुर्‍याएको आरोपमा पक्राउ परेका ओएसआर डिजिटलका सञ्चालक ओमप्रकाश अग्रवाल हाजिरी जमानीमा छुटेका छन्।

जिल्ला अदालत काठमाडौंले आइतबार उनलाई १९ गतेदेखि लागू हुनेगरी थुनामा राखेर अनुसन्धान गर्न आदेश दिएको थियो। तर जिल्ला सरकारी वकिल कार्यालयमा उनको बयान सम्पन्न गरी उनका वकिलको जिम्मा लगाइएको हो।

उनका कानुनी सल्लाहकार आशिष श्रेष्ठ वैद्यलाई जिम्मा लगाएर छाडिएको बताइएको छ। निर्माता सुदर्शन बस्नेतको उजुरीमा अग्रवाल गत शुक्रबार पक्राउ परेका थिए।

त्यसैगरी यही प्रकरणमा सुदर्शन थापा र मिलन श्रेष्ठविरुद्ध पनि पक्राउ पुर्जी जारी भएको छ। उनीहरुविरुद्ध ठगीको आपराधिक विश्वासघात तथा आपराधिक लाभको कसुरमा अनुसन्धान अघि बढाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

रवि लामिछानेलाई निलम्बन नगर्न सभामुखसँग रास्वपा सांसदहरुको आग्रह

१२ सहसचिवको सरुवा, कसको कहाँ? (सूचीसहित)

त्रिभुवन विमानस्थलको सुधार कार्ययोजना १५ दिनभित्र पेश गर्न मन्त्री पाण्डेको निर्देशन