काठमाडौं– नेपाली कांग्रेसका सह–महान्त्री महेन्द्र यादवमाथि खुकुरी हान्ने व्यक्तिले सनसनीपूर्ण बयान दिएका छन्। गत भदौ २० गते रिपोर्टस् क्लब भृकुटीमण्डवमा यादवमाथि खुकुरी हानेको आरोपमा नुवाकोट घर भएका श्यामबहादुर सापकोटा पक्राउ परेका थिए।
पक्राउ परेका सापकोटाविरुद्ध ज्यान मार्ने उद्योगमा मुद्दा चलेर उनी पुर्पक्षका लागि कारागारसमेत चलान भएका छन्। उनै सापकोटाले प्रहरी तथा सरकारी वकिल समक्षको बयानमा भने ज्यान मार्ने उदेश्यले नै आक्रमण गरेको बताएका छन्।
यादवको नजिकै गएर पछाडिबाट काननेर दुई पटक खुकुरी प्रहार गरेको र तेस्रो पटक पनि प्रहार गर्ने बेलामा कसैले पछाडिबाट समातेको भन्दै बयान दिएका छन्।
यस्तो छ सापकोटाको बयान
जाहेरवाला श्रवण कुमारयादव र घाइते महेन्द्र यादवसँग पूर्व चिनजान थिएन। घाइते महेन्द्र यादव नेपालको प्रमुख राजनीतिक दल नेपाली कांग्रेसको सह–महामन्त्री हुन् भन्ने थाह थियो। गत भदौ ५ गते काठमाडौं महानगरपालिका–२८ भृकुटीमण्डपस्थित रिपोटर्स क्लब नेपालमा सञ्चालन भएको ‘विभिन्न दलका प्रभावशाली नेताहरुसँग सुन तस्करी प्रकरण, मुलुकमा बढ्दो भ्रष्टाचार लगायतका समसामयिक विषयमा विशेष साक्षात्कार’ कार्यक्रममा मलाई आमन्त्रित गरिएको थिएन।
कांग्रेसका सहमहामन्त्री यादवमाथि खुकुरी प्रहार गर्ने सापकोटा जेल चलान
सो दिन रिपोटर्स क्लब नेपालको अध्यक्ष ऋषि धमलालाई भेट्न उक्त क्लबमा अन्दाजी ११ बजेतिर जाँदा क्लबको कार्यक्रममा सहभागी भएको हुँ। कार्यक्रममा राष्ट्रिय प्रजातन्त्र पार्टीको तर्फबाट धवल सम्शेर राणा, नेपाली कांग्रेसको तर्फबाट महेन्द्र यादवसमेतका अन्य बुद्धीजिवीहरुको सहभागिता थियो।
कार्यक्रममा महेन्द्र यादवले आफ्नो मन्तव्य राख्ने क्रममा ललिता निवास जग्गा प्रकरणमा मुछिएका समाजवादी पार्टीका अध्यक्ष माधव कुमार नेपाललाई प्रधानमन्त्री बनाउने, नेपाली नागरिकलाई नक्कली भुटानी शरणार्थी बनाई अमेरिका पठाउने बालकृष्ण खाँण, टोपबहादुर रायमाझीसमेत निर्दोष रहेको अभिव्यक्ति दिएकोले मलाई असह्य भइरहेको थियो।
कार्यक्रम सकिएपछि महेन्द्र यादव कार्यक्रम स्थलबाट बाहिरिँदै थिए। म पनि उनको पछि–पछि गएँ। र मैले झोलामा बोकेर हिँडेको खुकुरी झोलाबाट निकाली काननजिक टाउकोमा ताकी ज्यान मार्नको लागि दुई पटक प्रहार गरेको हुँ।
मैले तेस्रो पटक उनलाई प्रहार गर्नै लाग्दा कसैले पछाडिबाट खुकुरी तानी मलाई नियन्त्रणमा लिएका हुन्। भदौ २० गतेको घटनास्थल मुचुल्काको रोहवरमा अभियुक्त श्यामबहादुर सापकोटाको तर्फबाट गरेको सहीछाप मैले गरेको मेरो सहीछाप हो, हेरी चिन्ही सनाखत गरी दिएँ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
