प्रतिकात्मक तस्बिर
काठमाडौं– जल तथा मौसम विज्ञान विभागका अनुसार हाल देशमा मनसुनी वायुको प्रभाव रहेको छ। अहिले देशभर आंशिकदेखि सामान्य बदली रहेको विभागले जनाएको छ। मंगलबार बिहानदेखि कोशी, बागमती, गण्डकी र कर्णाली प्रदेशका थोरै स्थानहरूमा मेघगर्जन तथा चट्याङसहित हल्कादेखि मध्यम वर्षा भइरहेको छ।
मनसुनी वर्षाका कारण देशभरका प्रमुख नदीहरुमा जलसतह सामान्य बढ्ने देखिएको विभागअन्तर्गतको बाढी पूर्वानुमान महाशाखाले जनाएको छ। यद्यपि केही ठाउँका मुख्य तथा सहायक नदीहरुमा भने आकस्मिक बाढी आउने सम्भावना रहेको महाशाखाको पूर्वानुमान छ।
सिन्धुपाल्चोक, रसुवा, गोरखा, लमजुङ, कास्की, पर्वत, बागलुङ र आसपास भएर बहने केही स–सना नदीहरुमा आकस्मिक बाढीको जोखिम रहने पूर्वानुमान छ।
यस्तै, नुवाकोट, धादिङ, चितवन, मकवानपुर, स्याङ्जा, तनहुँ, रोल्पा, रुकुम पश्चिम, सल्यान, जाजरकोट, कालिकोट, अछाम, बझाङ, बाजुरा र दार्चुला आसपास भएर बहने स–सना नदीहरुमा पानीको बहाव बढ्ने सम्भावना छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1749307650.png)
-1749200817.png)
