काठमाडौं– पहिलो संस्करणको फ्रेन्चाइज क्रिकेट प्रतियोगिता नेपाल टी-२० लिगमा लुम्बिनी अल स्टार्सले विजयी सुरुवात गरेको छ। शनिबार नै कीर्तिपुर मैदानमै शनिबार भएको दोस्रो खेलमा लुम्बिनीले फार वेस्ट युनाइटेडलाई ६७ रनले पराजित गर्दै विजयी सुरुवात गरेको हो।
लुम्बिनीको जितमा लाहिरू मिलान्थाले सर्वाधिक ६० रनको योगदान गरे। उनले ८ चौका र १ छक्का प्रहार गरे।
त्यस्तै, दीपेन्द्रसिंह ऐरीले ३५, गुलशन झाले २५ र विपुल शर्माले १२ रन बनाए। अन्य खेलाडीले भने दोहोरो अंकको रनसमेत जोड्न सकेनन्। फार वेस्टका लागि उमर अली र करण केसीले समान ३-३ विकेट लिए। त्यस्तै बलिङतर्फ लुम्बिनीका दीपेन्द्रसिंह ऐरीले ३ विकेट लिए। उनले २.२ ओभरमा ६ रन मात्र खर्चिएर ३ विकेट लिन सफल भएका हुन्।
त्यसैगरी, सागर ढकाल २ तथा पेट ब्रोन, किशोर महतो, गुलशान झा र विपुल शर्माले समान १-१ विकेट लिए ।
यता, फार वेस्टले भने १६.२ ओभरमा मात्र ८५ रन बनाउन सक्यो। फार वेस्टको तर्फबाट हसमतउल्लाह
शहिदीले ३५ रन र विनोद भण्डारीले १३ रन बनाउनुबाहेक अन्य खेलाडीहरुले दोहोरो अंको रन जोड्न सकेनन्। पहिलो संस्करणको प्रतियोगितामा ६ टोलीको सहभागिता छ।
प्रतियोगिताको विजेताले ५५ लाख तथा उपविजेताले ३० लाख पाउनेछन् । यस्तै, तेस्रो हुनेले १० लाख र चौथोले ५ लाख रुपैयाँ पाउनेछन्।
शनिबार सुरु भएको प्रतियोगिताअन्तर्गत पहिलो खेलमा काठमाडौं नाइट्सले पोखरा एभेन्जर्सलाई २६ रनले हराएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1765528419.png)
-1764146706.png)
-1763721444.png)
-1765273665.jpg)
