काठमाडौं– पोर्चुगललाई हराउँदै स्पेन यूईएफए नेसन्स लिगको फाइनल चरणमा प्रवेश गरेको छ।
गएराति भएको खेलमा पोर्चुगललाई १-० गोल अन्तरले हराउँदै स्पेनले अन्तिम चारमा स्थान पक्का गर्यो। स्पेनले समूह ‘बी’को विजेता बन्दै फाइनल रचणमा प्रवेश गरेको हो।
स्पेनको जितमा अल्भारो मोराटाले निर्णायक गोल गरे। उनले निको विलियम्सको पासमा खेलको ८८औं मिनेटमा गोल गरेका हुन्।
यसै, समूहको अर्को खेलमा स्वीट्जरल्याण्डले चेक रिपब्लिकलाई २-१ ले हराएको छ। यो हारसँगै चेक रिपब्लिक रेलिगेसनमा परेको छ ।
अब चारवटा समूहका चार विजेताले फाइनल चरणका लागि खेल खेल्नेछन्। यसअघि समूह ‘ए’बाट क्रोएसिया, समूह ‘सी’बाट इटाली र समूह ‘डी’बाट नेदरल्याण्ड फाइनल चरणमा प्रवेश गरिसकेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1750673602.png)
-1749826086.png)
