समाचार

सिद्धबाबालाई सफाइ दिने फैसला उच्च अदालतद्वारा बदर, पुनः प्रमाण हेरेर फैसला गर्न आदेश

नेपाल लाइभ मंगलबार, जेठ ३, २०७९ २३:२३

काठमाडौं–उच्च अदालत विराटनगरले सिद्धबाबा भनिने कृष्णबहादुर गिरीलाई बलात्कार मुद्दामा सफाइ दिने निर्णय उल्टाउने फैसला सुनाएको छ। उच्चले जिल्ला अदालतको सफाइ दिने फैसला त्रुटीपूर्ण देखिएको तथ्यभित्र प्रवेश गरेर पुनः इन्साफ गर्नु भनि जिल्ला अदालत फर्काएको हो।

न्यायाधीशद्वय सत्यमोहन जोशी थारु र किरणकुमारी गुप्ताको इजलासले मंगलबार यस्तो फैसला सुनाएको हो। उच्च अदालत विराटनगरका कायममुकायम मुख्यन्यायाधीश जोशीसहितको यो फैसलाले अब सुनसरी जिल्लाले यो विवादमा फेरि प्रमाण हेरेर सुनुवाइ गर्दै फैसला सुनाउनुपर्ने भएको छ। जिल्लाले साक्षीको बकपत्र, अडियोलगायत अन्य प्रमाण हेरर पूनः जाँच गर्दै फैसला गर्न भनेको छ।

सुनसरी जिल्ला अदालतले सिद्धबाबालाई सफाइ दिँदा एकतर्फी बहसमात्र सुनेर फैसला गरेको थियो। जिल्ला अदालतले सरकारी वकिल र पीडित पक्षका कानुन व्यवसायीको बहसबिना नै फैसला सुनाएपछि यो विषय विवादित बनेको थियो। तत्कालीन जिल्ला न्यायाधीश अर्जुनप्रसाद कोइरालाको इजलासले जिल्ला सरकारी वकिलको कार्यालयले सार्नका लागि दिएको निवेदन अस्वीकार गर्दै फैसला सुनाएका थिए। लगत्तै उनी उच्च अदालतको न्यायाधीशमा बढुवासमेत भएका थिए।

यो विवाद सर्वोच्चसम्म आएको थियो। सर्वोच्चले उनलाई पुर्पक्षका लागि थुनामा राख्न आदेश दिएको केही समयमा जिल्लाले सफाइ दिने फैसला सुनाएको थियो।

आफ्नै शिष्यलाई बलात्कार गरेको आरोपमा जिल्ला अदालत सुनसरीले सिद्धबाबालाई २०७६ पुस १४ गते धरौटीमा छाड्न आदेश दिएको थियो। त्यसविरुद्ध जिल्ला सरकारी वकिल कार्यालयले गरेको पुनरावेदनमा उच्च अदालत विराटनगरले थुनामा राख्न आदेश दिएको थियो। उच्च अदालत विराटनगरको आदेश बेरीतको भएको उल्लेख गर्दै सिद्धबाबाले सर्वोच्च अदालतमा निवेदन दिएका थिए। सर्वोच्चले यस्तो आदेश दिएको एक सातामै सिद्धबाबाले जिल्ला अदालतबाट सफाइ पाएका थिए।

सम्बन्धित समाचार

‘सिद्धबाबा’को मुद्दा : मुख्य न्यायाधीश बाहेकको इजलासमा अन्तिम सुनुवाइका लागि पेस गर्ने आदेश

‘सिद्धबाबा’लाई सफाइ दिने कोइरालालाई उच्च अदालतको न्यायाधीश ‘उपहार’

‘सिद्धबाबा’को बलात्कार मुद्दामा अदालतको व्याख्या : करणी होइन, सहमतिमा शरीर समर्पण [पूर्णपाठ]

बलात्कारको मुद्दामा जिल्लाबाट सफाइ पाएका 'सिद्धबाबा' आफैं उच्च अदालत पुगे

सिद्धबाबालाई बलात्कार अभियाेगमा सफाइ दिने निर्णय विरुद्ध उच्च अदालत पुग्याे सरकार

बलात्कार मुद्दामा सिद्धबाबालाई झिकाउने उच्च अदालतको आदेश

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पत्रकारमाथि एमाले कार्यकर्ताले गरे दुर्व्यवहारसहित हातपात

अध्यक्ष पक्राउविरुद्ध प्रतिवाद गर्ने एमालेको निर्णय, यस्ता छन् सचिवालय बैठकका निर्णयहरु

दाउन्नेमा ट्रकले बस र पिकअप भ्यानलाई ठक्कर दिँदा तीन जनाको मृत्यु, १५ घाइते