काठमाडौं- आफ्नै अनुयायीमाथि बलात्कार गरेको आरोप लागेका सिद्धबाबा भनिने कृष्णबहादुर गिरीको मुद्दालाई अन्तिम सुनुवाइका लागि आफू बाहेकका न्यायाधीशको इजलासमा पेस गर्न उच्च अदालतका मुख्य न्यायाधीशसहितको इजलासले आदेश गरेको छ।
उच्च अदालत विराटनगरका मुख्य न्यायाधीश तिलप्रसाद श्रेष्ठ र तेजनारायणसिंह राईको इजलासले बुधबार जिल्ला अदालत सुनसरीको फैसला विरुद्धको मुद्दामा अन्तिम सुनुवाइका क्रममा यस्तो आदेश जारी गरेको हो।
न्यायाधीश श्रेष्ठले यसअघि उनको ७३ नम्बरको निवेदनविरुद्ध परेको मुद्दामा सुनुवाइ गरेकाले अहिले फैसला गर्न नमिल्ने देखिएकाले आफू बाहेकेको इजलास तोकेर अन्तिम सुनुवाइको पेसी तोक्न आदेश भएको उच्च अदालत विराटनरका प्रवक्ता ओमराज सुबेदीले नेपाल लाइभलाई बताए। मुख्य न्यायाधीशसहितको इजलासको यो आदेशपछि अर्को पेसीमा गोला तान्ने मुख्य न्यायाधीश बाहेकको इजलास तोकेर सुनुवाइ हुने उनले बताए ।
यो पनि पढ्नुहोस्
अनुयायीलाई बलात्कारको आरोप लागेका सिद्धाबाबा आफैं र सरकारी पक्ष दुवै उच्च अदालत पुगेका थिए। सिद्धबाबाले जिल्लाको फैसलाले आफ्नो विषयमा गलत टिप्पणी गरेको दाबी गरेका थिए। सरकारी पक्षले जिल्लाको फैसला नै गलत भएको दाबी गर्दै २०७७ फागुन २८ गते पुनरावेदन गरेको थियो।
सरकारी पक्षले दर्ता गरेको पुनरावलोकन निवेदनमाथि सुनुवाइ गर्दै उच्च अदालतले विपक्षी झिकाउन आदेश गरेपछि गिरी पनि उच्च पुगेका थिए। न्यायाधीशद्वय प्रेमराज ढकाल र रेणुका शाहको इजलासले प्रत्यार्थी झिकाउने आदेश गरेको थियो।
जिल्ला अदालतका मोरङका न्यायाधीश अर्जुनप्रसाद कोइरालाले इजलासले गिरीलाई सफाइ दिएको थियो। कोइराला अहिले उच्च अदालतको न्यायाधीशमा बढुवा भएर कार्यरत रहेका छन्। कोइरालाले सिद्धबाबाले ‘बलात्कार गरेको नभई महिलाले शरीर समर्पण’ गरेको व्याख्या गर्दै सफाइ दिएका थिए। यौन सम्वन्ध हुदैमा बलत्कार नै भएको ठहर गर्न नमिल्ने उनको फैसलामा टिप्पणी थियो।
२०७६ पुस १० गते गिरीले आफ्नै एक अनुयायीलाई बलात्कार (जबरजस्ती करणी)गरेको भन्दै हदैसम्मको कैद सजाय माग गरेर दायर भएको मुद्दामा सुनसरी जिल्ला अदालतले २०७७ मंसिरमा सफाई दिने फैसला गरेको थियो।
जिल्ला अदालतदेखि उच्च अदालत हुँदै सर्वोच्चसम्म गुहारेर पनि पुर्पक्षका लागि थुनामा गएका गिरीलाई जिल्ला अदालतले सफाइ दिएको विषय विवादमा परेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
