काठमाडौं–श्रीलंकामा सरकारविरोधी प्रदर्शनकारीहरुले सत्तारुढ दलका सांसदहरुका घरमा आगजनी गरेका छन्। स्थानीय सञ्चारमाध्यमलाई उद्धृत गर्दै हिन्दुस्तान टाइम्सले जनाएअनुसार शान्तिपूर्ण प्रदर्शन गरिरहेका प्रदर्शनकारीमाथि प्रधानमन्त्री महिन्दा राजापाक्षेसमर्थकहरुले आक्रमण गरेपछि हिंसा भड्किएकाे थियो।
त्यसक्रममा प्रदर्शनकारीहरुले सत्तारुढ दलका सांसद सनथ निशान्तसहित कैयांै नेताहरुका घरमा आगजनी गरेको स्थानीय समाचार समिति ‘न्युजवायर’ ले जनाएको छ।
सामाजिक सञ्जाल तथा सञ्चारमाध्यममा सार्वजनिक भएका भिडियोमा सांसद सनथ निशान्तको घर पूर्ण रुपमा नष्ट भएको देखिन्छ भने अर्को भिडियोामा आक्रोशित प्रदर्शनकारीहरुले श्रीलंका पोडुजाना पेरामुना (एसएलपीपी) पार्टीको सवारीसाधनमा आगजनी गरेको देखिएको छ।
सरकारविरोधी र सरकारपक्षबीच भएको झडपमा सत्तारुढ पार्टीका सांसद अमरकीर्थि अथुकोराला र उनका निजी अंगरक्षकको मृत्यु भएको केही घण्टापछि आगजनीको घटना भएको हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1779545841.jpg)
