काठमाडाैं-अखिल नेपाल फुटबल संघ (एन्फा) कार्यसमितिको बैठक यही बैशाख २५ गते आइतबार बस्ने भएको छ। एन्फा वरिष्ठ उपाध्यक्ष पंकज नेम्वाङका अनुसार बैठक आइतबार २ बजे आह्वान गरिएको हो।
राष्ट्रिय फुटबल टोलीका मुख्य प्रशिक्षक अब्दुल्लाह अल्मुताइरी र असन्तुष्ट १० खेलाडीबीचको विवादका विषयमा छलफल गर्न वरिष्ठ उपाध्यक्ष नेम्वाङसहित ४ जनाले एन्फा कार्यसमितिको बैठक राख्न गत शुक्रबार माग गरेका थिए।
एन्फा अध्यक्ष कर्माछिरिङ शेर्पालाई वरिष्ठ उपाध्यक्ष नेम्वाङ, उपाध्यक्ष कृष्णबहादुर थापा, उपाध्यक्ष वीरबहादुर खड्का र कार्यसमिति सदस्य दावा लामाले संयुक्त रुपमा बैठक राख्न माग गरेका हुन्।
प्रशिक्षणमा रहेका रोहित चन्दलाई अल्मुताइरीले टोलीबाट निकालेपछि विवाद सुरु भएको थियो। त्यसपछि अन्य ९ खेलाडीले पनि प्रशिक्षण छाडेका थिए।
असन्तुष्ट १० खेलाडीले संयुक्त रुपमा पत्रकार सम्मेलन गर्दै प्रशिक्षक अल्मुताइरीको प्रशिक्षणमा खेल्न गाह्रो हुने बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786875773.jpg)
-1786602170.png)
-1786513116.png)
