काठमाडौं– राम बाबु गुरुङको निर्देशनमा बनेको फिल्म श्रृङ्खला कब्बडीको ‘फाइनल म्याच’ भनिएको फिल्म ‘कब्बडी ४’ को ट्रेलर सार्वजनिक भएको छ। फिल्मको ट्रेलर बुधबार सार्वजनिक गरिएको हो।
ट्रेलरमा अभिनेता बुद्धि तामाङ र विजय बराल अभिनित पात्र काजीको रुपमा देखिएका दयाहाङ राईको बिहेका लागि संघर्ष गरिरहेको देखाइएको छ। यता पटक पटकको प्रयासबाट पनि विवाह गर्न नसकेको काजीको भूमिकामा रहेका राई भने घरबाट भागेर अन्यत्रै पुगेका हुन्छन्।
त्यत्तिकैमा मिरुना मगर अभिनित पात्रको आगमनसँगै काजीको बिहेको आशा फेरि पलाएको ट्रेलरमा देखाइएको छ। फिल्मको ट्रेलरमा देखाइएअनुसार सौगात मल्ल अभिनित पात्र फेरि पनि काजीको प्रेम र बिहेमा तगारो बनेर उभिन सक्ने देखिएको छ।
फिल्ममा अभिनेता दयाहाङ राई, सौगात मल्ल, मिरुना मगर, गौमाया गुरुङ, बुद्धि तामाङ, विजय बराल लगायतका कलाकारको अभिनय छ।
सैलेन्द्र डि कार्कीले खिचेको फिल्मलाई निमेश श्रेष्ठले सम्पादन गरेका छन्। विशाल गुरुङ, सुष्मा गुरुङ, मधु मिजार, मनिराम पोखरेल र ओम चन्द रौनियारको लगानीमा बनेको फिल्मलाई निर्देशक रामबाबु गुरुङ र उपेन्द्र सुब्बाले लेखेका छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
