काठमाडौं- नेपाली राष्ट्रिय फुटबल टिमका मुख्य प्रशिक्षक अब्दुल्लाह अल्मुताइरी नेपाल आइपुगेका छन्।
अखिल नेपाल फुटबल संघ (एन्फा)सँग थप दुई वर्ष सम्झौता नवीकरण गरेपछि प्रशिक्षक अल्मुताइरी शनिबार साँझ नेपाल आइपुगेका हुन्।
साँझ ७:३० बजे काठमाडौं आइपुगेका प्रशिक्षक अल्मुताइरीलाई त्रिभुवन अन्तर्राष्ट्रिय विमानस्थलमा राष्ट्रिय टिमका व्यवस्थापक मधुसुदन उपाध्यायले स्वागत गरेका थिए।
अल्मुताइरीले एन्फासँग थप दुई वर्षको सम्झौता नवीकरण गरेका थिए। यता, उनीसँग यस अगाडि नै एक वर्षको सम्झौता बाँकी छ।
अल्मुताइरीले गत महिना माल्दिभ्सको राजधानी मालेमा सम्पन्न १३औं साफ च्याम्पियनसिपमा नेपाललाई पहिलोपटक फाइनलमा पुर्याएका थिए। तर, नेपाल फाइनलमा भारतसँग ३-० ले पराजित हुँदै विजेता बन्न चुक्यो।
फाइनलअघि बंगलादेशसँग भएको खेलपछि अल्मुताइरीले आफूले एक महिना अगाडि नै एन्फालाई राजीनामा बुझाइसकेको खुलासा गरेका थिए। उनले भारतसँग हुने खेल नै नेपालको लागि आफ्नो अन्तिम खेल भएको बताएका थिए।
यद्यपि, उनलाई मनाउन एन्फा अध्यक्ष कर्माछिरिङ शेर्पा र महासचिव इन्द्रमान तुलाधार माले पुगेका थिए। मालेमा भएको छलफल पछि उनी नेपाल फर्किन तयार भएका थिए। यद्यपि, विश्राम चाहिएको भन्दै उनी मालेबाट कुवेत फर्किए।
उनीसँगै शेर्पा पनि कुवेत पुगेका थिए। कतार फुटबल एसोसियसनसँग छलफलपछि आफू एन्फासँग दुई वर्षे सम्झौता गर्न तयार भएको र अबको तीन वर्ष नेपाल बस्ने अल्मुताइरीले सामाजिक सञ्जालमार्फत् जानकारी दिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
