काठमाडौं- सिरियाको राजधानी सहर दमास्कसमा सेनाको बसमा बम आक्रमण हुँदा कम्तीमा १४ जनाको मृत्यु भएको छ।
अन्तर्राष्ट्रिय समाचार एजेन्सी रोयटर्सका अनुसार बसमा दुईओटा बम विष्फोट गराइएको थियो।
सिरियामा पछिल्लो एक दशकदेखि गृहयुद्ध चलिरहेको छ। तर, राजधानी सहरमा यस किसिमको आक्रमण वर्षौंपछि भएको हो।
सरकारी टेलिभिजनका अनुसार यो आक्रमणको जिम्मेवारी अहिलेसम्म कुनै पनि संगठनले लिएको छैन।
सिरियामा विपक्षी सेना, आईएसजस्ता संगठन सक्रिय रहेको र सेनाभित्रै पनि विभिन्न विभाजित समूह भएकाले यो आक्रमण कसले गरेको हो भन्ने अनुमान गर्न गाह्रो रहेको छ।
बुधबार सेनाको बसमा विष्फोट भएको केही समयमा नै सिरियाको उत्तर–पश्चिम प्रान्त इडलिबमा सेनाले गोलाबारी गरेको थियो। उक्त गोलिबारीमा ११ जनाको मृत्यु भएको बताइएको छ।
मृत्यु हुनेमा केही बालबालिका पनि रहेको सिरियन अब्जर्भेटरी फर ह्युमन राइट्सले बताएको छ। यो क्षेत्र विपक्षीको पकड भएको क्षेत्र हो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791358722.jpg)
-1791356368.png)
-1786602170.png)
