सहुलियतमा खसीबोका बिक्री सुरु, बढ्यो मूल्य

कृषि

नेपाल लाइभ शनिबार, असोज २३, २०७८ १०:२४

काठमाडौं– खाद्य व्यवस्था तथा व्यापार कम्पनीले आजदेखि दशैं तिहार लगायतका चाडपर्वका लागि खसीबोका बिक्री सुरु गरेको छ।

असोज १ गतेदेखि नै सहुलियत पसलमार्फत खाद्यान्न बिक्री सुरु गरेको कम्पनीले शनिबारदेखि काठमाडौंमा खसीबोका बिक्री सुरु गरेको हो। थापाथलीस्थित कार्यालयबाट खसीबोकाको बिक्री सुरु गरिएको हो।

यो वर्ष दशैंका लागि २ हजारको हाराहारीमा खसीबोका बिक्री गर्ने तयारी गरेको कम्पनीले च्यांग्रा भने बिक्री नगर्ने बताएको छ। चीनबाट ल्याउन नसकिएको र स्वदेशमा उत्पादन नै कम भएकाले च्यांग्रा बिक्री नगर्ने निर्णय गरेको कम्पनीकी सूचना अधिकारी सर्मिला न्यौपाने सुवेदीले बताइन्।

यस वर्षका लागि कम्पनीले खसीबोकाको मूल्य प्रतिकिलो ६५० निर्धारण गरेको छ भने प्रतिकिलो १० रुपैयाँ छुटको व्यवस्था गरिएको छ। जसअनुसार खसीबोकाको मूल्य प्रतिकिलो ६४० पर्ने कम्पनीले जनाएको छ। गत वर्ष कम्पनीले प्रतिकिलो ५५० मा खसीबोका बिक्री गरेको थियो।

यस वर्ष खाद्यले मकवानपुर र दाङबाट खसीबोका भित्र्याएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

‘जय ट्रफी पुरुष एलिट कप’मा चार टिम सहभागी, यस्तो छ खेल तालिका

नेपालको डिजिटल सीपलाई अगाडि बढाउँदै सामसङ इनोभेसन क्याम्पस

विभान्ता, हिमाल डेन्टल हस्पिटल र प्रभु बैंकबीच छुट सम्झौता, २० प्रतिशत छुट पाउने