काठमाडौं- भारतको राष्ट्रिय आपराधिक ब्यूरोले एक वर्षमा २८ प्रतिशतभन्दा बढी अपराधिक क्रियाकलाप बढेको जनाएको छ।
बुधबार अपराधसम्बन्धी तथ्यांक सार्वजनिक गर्दै २०१९ को तुलनामा देशमा २०२० मा २८ प्रतिशतभन्दा बढी अपराधका मुद्दा दर्ता भएको जनाएको हो।
अपराध दर अर्थात् प्रत्येक एक लाख जनसंख्याको आबादीमा दर्ता गरिएका मुद्दाको संख्या पनि बढेको छ। २०१९ मा यो दर ३८.५५ प्रतिशत थियो जुन २०२० मा बढेर ४८. ७८ प्रतिशत पुगेको छ।
रिपोर्टका अनुसार यो तथ्यांक वृद्धि हुनुको एउटा प्रमुख कारण कोरोना हो। तथ्यांक अनुसार अन्य अपराधमा भने कमी आएको छ।
गतवर्ष २५ मार्चदेखि ३१ मेसम्म पूर्ण लकडाउनमा महिला, बालबालिका र जेष्ठ नागरिकमाथि हुने अपराध, चोरी र डकैती अन्तर्गत दर्ता भएका घटनाहरुमा गिरावट आएको छ।
२०२० मा कुल २९ हजार १९३ हत्याका घटना दर्ता भएका थिए। अर्थात् एक दिनमा औसतमा ८० हत्याका मुद्दा दर्ता भएका थिए। २०२० मा २८ हजार ४६ बलात्कारका घटना दर्ता भएका थिए। अर्थात् दैनिक ७७ बलात्कारका घटना दर्ता भएका थिए।
२०२० मा महिलाहरुविरुद्ध हुने अपराधका ३ लाख ७१ हजार ५०३ मुद्दा दर्ता भएको थियो। जुन २०१९ मा ४ लाख ५ हजार ३२६ मुद्दा दर्ता भएको थियो।
लकडाउनका बावजूद सार्वजनिक स्थानमा हुने शान्तिविरुद्ध अपराध १२.४ प्रतिशतले बढेको छ।
२०२० को दौरान आईपीसीको विभिन्न धाराहरु अन्तर्गत सार्वजनिक शान्तिविरुद्धका अपराधका कुल ७१ हजार १०७ मुद्दा दर्ता गरिएको छ। जसमध्ये ७२.६ प्रतिशत दंगा (५१ हजार ६०६ मुद्दा)सँग सम्बन्धित छ। २०१९ मा यो संख्या ६३ हजार २६२ थियो।
अनुसूचित जाति र अनुसूचित जनजाति (एसटी)विरुद्धको अपराध २०१९ को तुलनामा २०२० मा १० प्रतिशत बढेको बताइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
