काठमाडौं- कतारका उपप्रधानमन्त्री एवं विदेशमन्त्री शेख मोहम्मद बिन अब्दुल रहमान अल थानी अफगानिस्तानको राजधानी काबुल पुगेका छन्। जहाँ उनले देशका नयाँ प्रधानमन्त्री मुल्ला मोहम्मद हसन अखुंदसँग भेटवार्ता गरेका छन्।
तालिबानले अफगानिस्तानमा जितेपछि कुनै वरिष्ठ विदेशी प्रतिनिधिमण्डलको यो पहिलो भ्रमण हो।
अफगानिस्तानका निजी समाचार च्यानल टोलो न्यूजका संवाददाता अब्दुल हक उमरीले कतारका विदेश मन्त्री आएको भिडियो पोस्ट गरेका थिए जहाँ अफगानिस्तानका उपप्रधानमन्त्री अब्दुल सलाम हनफी उनको स्वागत गरिरहेका देख्न सकिन्छ।
कतारका विदेश मन्त्रीले यस बाहेक पूर्व राष्ट्रपति हामिद करजाई र पूर्व सीईओ अब्दुल्ला अब्दुल्लासँग पनि भेटवार्ता गरेका छन् जसको तस्बिर सामाजिक सञ्जालतिर देख्न सकिन्छ।
तालिबान नेताहरुसँगको कुराकानीपछि एक वक्तव्य जारी गरिएको छ जहाँ ‘द्विपक्षीय सम्बन्ध, मानवीय सहायता, आर्थिक विकास र विश्वका साथ लगातार विचार-विमर्श जस्ता मुद्दे शामिल’ रहेको जनाइएको छ।
विश्लेषकका अनुसार कतारका विदेशमन्त्रीको भ्रमण अफगानिस्तानमा वर्तमानमा राजनीतिक अस्थिरतालाई देखाउँछ।
यसअघि कतारका विदेश मन्त्रीले अफगानिस्तानको अवस्थालाई लिएर टर्की र पाकिस्तानको भ्रमण गरेका थिए।
कतारले लामो समयदेखि तालिबान र अमेरिकाबीच मध्यस्थताको भूमिका निभाइरहेको छ। अहिलेपनि अमेरिकाले अफगानिस्तानबाट उद्धार गरेका हजारौं मानिस कतारमा रहेका छन् जहाँबाट उनीहरु अन्य देश जानेछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
