काठमाडौं- गुजरातका मुख्यमन्त्री विजय रुपाणीले राजीनामा दिएका छन्। उनले पार्टीमा समयसँगै दायित्व पनि बदल्ने बताउँदै चुनावभन्दा एक वर्षअघि नै अचानक राजीनामा दिएका हुन्।
भारती सञ्चारमाध्यसँग कुरा गर्दै उनले भारतीय जनता पार्टी (भाजपा)मा यो स्वाभाविक प्रक्रिया भएको पनि बताएका छन्।
‘पार्टीले मलाई ५ वर्षका लागि मुख्यमन्त्रीको जिम्मेवारी दिएको थियो, त्यो मैले पूरा गरे। अब मलाई जे जिम्मेवारी मिल्छ त्यो नै निर्वाह गर्नेछु। मलाई पद होइन जिम्मेवारी चाहिएको छ,’ उनले भने।
उनले २६ डिसेम्बर २०१७ मा दोस्रोपटक गुजरातको मुख्यमन्त्रीका रूपमा शपथ लिएका थिए।
भाजपाले गुजरातमा १८२ सिटमध्ये ९९ मा जीत हासिल गरेको थियो। विधानमन्डल दलको बैठकमा रुपाणी विधायक दलको नेता र नितिन पटेल उपनेता चुनिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771309463.png)
-1764146706.png)
