काठमाडौं- स्पेनिस क्लब बार्सिलोना छाडेका अर्जेन्टिनी कप्तान लियोनल मेस्सी फ्रेन्च क्लब पेरिस सेन्ट जर्मेन (पीएसजी) जाने लगभग तय भएको छ।
उनले क्लबसँग यसका लागि सहमति गरिसकेको र अब ‘मेडिकल’का लागि उनी मंगलबार नै पेरिस पुग्ने बताइएको छ।
फ्रान्सको चर्चित स्पोर्टस् न्यूज पोर्टल लेक्विपले पीएसजीले मेस्सीलाई आबद्ध गर्न सबै सहमति गरिसकेको दाबी गरेको छ। मेस्सीले दुई वर्षका लागि सम्झौता गरेको समाचारमा उल्लेख छ।
१८ वर्षसम्म आबद्ध भएको बार्सिलोना छाडेपछि मेस्सीले आफ्नो पीएसजीलगायत अन्य केही क्लबसँग पनि कुराकानी भइरहेको बताएका थिए।
लेक्विपले लेखेको छ- ‘मेस्सीले पीएसजीसँग सबै सहमति गरिसकेका छन्, उनी आजै पेरिस आइपुग्नेछन्।’
पीएसजीले यसअघि कीर्तिमानी रकममा बार्सिलोनाबाटै ब्राजिलियन स्टार नेयमारलाई भित्र्याएको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772777462.png)
