मदन पुरस्कार-२०७७ का लागि नौ पुस्तक छानिए

साहित्य डबली

नेपाल लाइभ शुक्रबार, साउन १५, २०७८ १६:००

मदन पुरस्कार गुठीले २०७७ सालको मदन पुरस्कारका लागि नौ वटा पुस्तक छनौट गरेको छ। तीमध्ये एक पुस्तकले मदन पुरस्कार पाउने छ।

यो वर्ष प्रकाशित पुस्तकमध्येबाट एकलव्यको देब्रे हात, ‍करिया, कल्प-ग्रन्थ, नृत्याक्षर विज्ञान, फिलिङ्गो, फुलाङ्गे, मोक्षभूमि, रमिते र लिम्बुवानको ऐतिहासिक दस्तावेज सङ्ग्रहलाई छनौट गरेको गुठीका अध्यक्ष कुन्द दीक्षितद्वारा जारी विज्ञप्तिमा उल्लेख छ। मदन पुरस्कारका लागि यो वर्ष २२२ पुस्तक प्राप्त भएको दीक्षितले जनाएका छन्। गुठीले तीमध्ये नौ वटालाई ‘श्रेष्ठ सूची’मा राखेको हो।

एकलव्यको देब्रेहात कवितासंग्रह हो। यसका लेखक गिरि श्रीस मगर हुन्। ऐतिहासिक उपन्यास करियाका लेखक कृष्ण अविरल र मोक्षभूमिका लेखक केशव दाहाल हुन्।

कल्प-ग्रन्थ कुमार नगरकोटीको कथासंग्रह हो। नृत्याक्षर विज्ञान कलाकार भैरवबहादुर थापाको पुस्तक हो। फिलिङ्गोका लेखक प्रभा बराल हुन्। फुलाङ्गे भने नेपालीभाषी भारतीय लेखक लेखनाथ क्षेत्रीको उपन्यास हो। रमिते जेसन कुँवरको आख्यान हो। त्यसैगरी भगिराज इङ्नामको लिम्बुवानको ऐतिहासिक दस्तावेज संग्रह पनि मनोनयन सूचीमा परेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

निजी क्षेत्रको सम्मानले समृद्धिको ढोका खोल्छ : अध्यक्ष ढकाल

यो सरकार सुशासन र विकासको लागि बनेको हो,कुनै आन्दोलन आवश्यक छैन: प्रधानमन्त्री

शिक्षक महासंघ र सरकारबीच ५ बजे वार्ता हुने