File Photo: Johannes Eisele/Pool/Reuters
काठमाडाैं- पेगम्बर मोहम्मदको कार्टुन बनाउने डेनमार्कका कार्टुनिस्ट कर्ट वेस्टरगार्डको निधन भएको छ। आइतबार उनको ८६ वर्षको उमेरमा निधन भएको हो।
उनको परिवारले दिएको जानकारी अनुसार उनी निकै लामो समयदेखि बिरामी थिए। उनी सन् १९८० को दशकको सुरुवातमा रुढिवादी ‘जिलेन्ड्स–पोस्टेन’ पत्रिकामा कार्टुन बनाउने गर्दथे।
तर, उनले २००५ मा चर्चा पाए। उनले पत्रिकामा पेगम्बर मोहम्मदको एउटा विवादास्पद कार्टुन बनाएका थिए। इस्लामको सेल्फ सेन्सरशिप र आलोचनालाई दर्साउनका लागि पत्रिकाले १२ कार्टुन प्रकाशित गरेको थियो, जसमा वेस्टरगार्डको पनि एउटा कार्टुन थियो।
उनको यो कार्टुनलाई केहीले रचनात्मक बताए भने मुसलमानका एउटा ठूला वर्गले यसका लागि आपत्ति जताएका थिए। पेगम्बर मोहम्मदको चित्रण इस्लाममा वर्जित मानिन्छ। यसकारण वेस्टरगार्डले अत्यसिक आलोचनाको सामना गर्नुपरेको थियो।
पत्रिकाको कार्टुनका कारण फेब्रुअरी सन् २००६ मा पूरा मुस्लिम जगतमा विरोध प्रदर्शनमा उत्रिएका थिए। यसै कारण डेनमार्कका थुप्रै दूतावासमाथि हमला भएका थिए भने हिंसामा दर्जनौंको मृत्यु पनि भयो।कार्टूनको प्रकाशनपछि वेस्टरगार्डलाई थुप्रैपटक ज्यान मार्ने धम्की दिइएको थियो।
उनी पछिल्लो समय लुकेर बसिरहेका थिए। तर, पछि उनले डेनमार्कको एउटा शहर आरहूसस्थित घरमा खुलेर बस्ने निर्णय गर।
२००८ मा डेनिस गुप्तचर सेवाले वेस्टरगार्डको हत्याको षड्यन्त्र रचेको आरोपमा तीन जनालाई पक्राउ गरेको थियो। २००८ मै अन्तर्राष्ट्रिय समाचार एजेन्सी रोयटर्ससँग कुरा गर्दै उनले आफूलाई आफ्नो व्यङ्ग्यपूर्ण कार्टुनको विषयमा कुनै पछुतो नभएको बताएका थिए।
त्यसको दुई वर्षपछि डेनमार्क प्रहरीले उनको घरमा एउटा सोमाली युवकलाई चक्कूसहित गिरफ्तार पनि गरेको थियो। २०११ मा ती सोमाली युवकलाई हत्याको कोसिसमा दोषी ठहर गर्दै ९ वर्षको सजाय सुनाइएको थियो।
२०१५ मा फ्रान्सेली व्यङ्ग्य पत्रिका ‘चार्ली हेब्दो’को कार्यलयमा भएको हमलामा १२ जना मारिएको थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
