काठमाडौं– नेकपा एमालेका नेता वामदेव गौतमले पार्टीका अर्का नेता भीम रावलले प्रतिनिधि सभा सदस्य पदबाट दिएको राजीनामा अनुपयुक्त भएको बताएका छन्।
आइतबार राष्ट्रिय सभा बैठकमा सहभागी हुन संघीय संसद भवन नयाँ बानेश्वर पुगेका गौतमले रावलले सांसद पदबाट दिएको राजीनामा अनुपयुक्त भएको बताए।
धारा ७६(५)को सरकार गठनका बेला सरकारको पक्षमा वा विपक्षमा मत दिने वा नदिने भन्ने विषय सांसदको स्वविवेकीय अधिकार भएको भनेर सर्वोच्च अदालतले व्याख्या गरिसकेको अवस्थामा रावलको राजीनामा अनुपयुक्त भएको गौतमको भनाइ छ।
'उहाँ (रावल)ले राजीनामा दिनुभयो। त्यो उहाँको स्वविवेक हो। तर, पार्टीको निर्णय (विश्वासको मत नदिने निर्देशन) मान्ने हो भने उहाँले मत नदिए पनि हुन्थ्यो। पार्टीको निर्णय नमान्ने हो भने सर्वोच्चले धारा ७६(५)मा सांसदलाई स्वविवेकीय निर्णय गर्ने अधिकार दिएको छ, त्यसमा अडिग भएको भएपनि हुन्थ्यो,' गौतमले भने, 'सांसदबाट राजीनामा दिने उहाँको निर्णय यसहिसाबले अनुपयुक्त हो। उहाँले राजीनामा नदिइ पनि आफ्नो विवेकमा अडिग रहन सक्नुहुन्थ्यो।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
