काठमाडौं- नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र चिनियाँ राजदूत होउ यान्छीबीच भेटवार्ता भएकाे छ।
राजदूत यान्छी शुक्रबार बिहान साढे १० बजे प्रचण्ड निवास खुमलटार पुगेकी थिइन्। प्रधानमन्त्री शेरबहादुर देउवालाई भेटे लगतै उनले प्रचण्डसँग शिष्टाचार भेट गरेकी हुन्।
प्रचण्ड र राजदूत यान्छीले करिब एक घण्टा भेटवार्ता गरेको प्रचण्ड निकट एक नेताले बताए।
निवर्तमान प्रधानमन्त्री केपी शर्मा ओलीले राजीनामा दिएपछि पाँच दलिय गठबन्धनबाट देउवा प्रधानमन्त्री भएपछि प्रचण्डलाई राजदूत यान्छीले भेटेकी हुन्।
प्रचण्डलाई भेटेलगतै राजदूत यान्छी अपराह्न् ४ बजे एमाले वरिष्ठ नेता माधवकुमार नेपाललाई भेट्न कोटेश्वर पुगेकी छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
