जयपुर- भारतको राजस्थानका मुख्यमन्त्री अशोक गहलोतले कोरोना महामारीबाट पीडित परिवारलाई सहयोग पुर्याउन ‘मुख्यमन्त्री कोरोना सहायता योजना’ घोषणा गरेका छन्।
१ मार्च २०२० पछि कोरोना संक्रमणको कारण मृत्यु भएकालाई जिल्ला कलेक्टरले प्रमाणित गरेपछि उनीहरुलाई यस योजनामा सामेल गरिने उनले बताएका छ।
यसअन्तर्गत विधवा महिला, तिनका सन्तान र टुहुरा बालबालिकाहरूलाई सहयोग प्रदान गरिने छ। राजस्थान सरकारको सामाजिक न्याय तथा अधिकारिता विभागका निर्देशक र सरकारका सहसचिवले योजनाको विस्तृत निर्णयहरु जारी गरेका छन्।
यस योजना अन्तर्गत लाभ प्राप्त गर्न जिल्ला कलेक्टरहरूले कोरोना संक्रमणका कारण विधवा भएको र तिनका सन्तान टुहुरो भएको कुरा सम्बन्धित जिल्लाहरुमा पहिचान गर्नेछन्।
विधवा महिला र उनीहरूका सन्तानले प्राप्त गर्ने रकम बैंक खातामा सरकारले हालिदिने छ। विधवा महिलालाई ‘मुख्यमन्त्री कोरोना विधवा सहयोग’ र विधवाका सन्तानलाई ‘मुख्यमन्त्री कोरोना पलान्हार (पालनपोषण) सहायता’ अन्तर्गत सुविधा प्रदान गरिने छ।
कोरोना संक्रमणको कारण आमाबुबाको मृत्युपछि टुहुरा बालबालिकाहरूलाई मुख्यमन्त्रीको ‘कोरोना चाइल्ड सपोर्ट’ अन्तर्गत आर्थिक र शिक्षा सहायता प्रदान गरिने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791388337.png)
