काठमाडाैं- युक्रेनी विमानमाथि मिसाइल प्रहार हुनुमा इरान ‘पूर्ण जिम्मेवार’ रहेको क्यानडा सरकारले जनाएको छ। सन् २०२० जनवरी ८ मा इरानको राजधानी तेहरानबाट युक्रेनको राजधानी किएभका लागि उडेको यात्रु विमान उडान भरेको केही बेरमै दुर्घटनामा परेको थियो ।
इरानले इराकमा रहेका अमेरिकी सैनिकको बेसक्याम्पलाई लक्षित गरेर एक दर्जनभन्दा बढी मिसाइल प्रहार गरेको थियो। सोही क्रममा १७६ जनासहित उडेको युक्रेनी विमान निशानामा परेको थियो।
युक्रेन अन्तर्राष्ट्रिय एयरलाइन्स विमान पीएस ७५२ आफूले प्रहार गरेको मिसाइलका कारण खसेको इरानले स्वीकार गरेको थियो। उक्त विमानमा दुईवटा मिसाइल प्रहार भएको थियो। विमानमा रहेका १७६ जनाको मृत्यु भएको थियो।
सुरुमा इरानले अनुसन्धानमा असहयोग गरेको थियो। पछि भने इरानी सेनाले गम्भीर मानवीय त्रुटीका कारण यात्रु विमान निशानामा परेको भन्दै माफी मागेको थियो। उक्त विमानमा रहेको करिब १३८ जना क्यानडाका थिए। त्यसैले क्यानडाले पनि विमानमाथि मिसाइल प्रहार भएको घटनाको अनुसन्धान गरेको थियो।
क्यानडाले उक्त मिसाइल प्रहारमा इरानी अधिकारी र सेना दोषी रहेको रिपोर्ट सार्वजनिक गरेको हो। सुरुमा पश्चिमा राष्ट्र तथा अमेरिकी सञ्चारमाध्यमहरुले इरानी मिसाइलले युक्रेनी विमानलाई निशाना बनाएको भिडियो प्राप्त भएको बताएका थिए ।
इरानले सोही भिडियो खिच्ने व्यक्तिलाई राष्ट्रिय सुरक्षामा खतरा पैदा गरेको भन्दै पक्राउ गरेको थियो। त्यसपछि भिडियो पोस्ट गरेका लण्डनमा बस्दै आएका इरानी पत्रकारले भने आफूलाई भिडियो उपलब्ध गराउने व्यक्ति सुरक्षित रहेको बताएका थिए।
क्यानडाका विदेशमन्त्री मार्क गरनेउले इरान उक्त घटनाको दोषबाट उम्किन नसक्ने भन्दै सबै जिम्मेवारी इरानकै हुने बताएका छन्। उनले मिसाइल प्रहार गर्ने अपरेटरहरुले विवेक पुर्याएको भए घटनाको सम्भावना नै नहुने समेत बताए।
इरानका पूर्वराष्ट्रपति हसन रुहानीले विमानमाथि भएको आक्रमण भूलबस र गम्भीर रहेको भन्दै यसको अनुसन्धान भइरहेको र त्यसलाई विशेष अदालतले हेरिरहेको बताएका छन्। तर, यसका लागि कुनै एक व्यक्तिलाई दोषी ठहर गर्न नमिल्ने उनको तर्क छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1766743671.png)
-1766743434.png)
-1766740258.png)
-1764146706.png)
-1766648928.png)
-1763721444.png)
