सरकारविरुद्ध विपक्षी गठबन्धनका विद्यार्थी संगठनको प्रदर्शन (फोटोफिचर)

राजनीति

निमेष जंग राई बिहीबार, असार १०, २०७८ १६:३५

काठमाडौं- विपक्षी गठबन्धनका दलनिकट विद्यार्थी संगठनहरुले बिहीबार काठमाडौं उपत्यकामा विरोध प्रदर्शन गरेका छन्।

नेपाली कांग्रेस निकट नेवि संघ, माओवादी केन्द्रनिकट अखिल (क्रान्तिकारी), नेकपा एमालेको माधव नेपाल समूहनिकट अनेरास्ववियु, जनता समाजवादी पार्टीनिकट समाजवादी विद्यार्थी युनियन र राष्ट्रिय जनमोर्चानिकट अखिल (छैठौं)ले बिहीबार काठमाडौंको प्रदर्शनीमार्गमा विरोध प्रदर्शन गरेका हुन्।

राजधानीको भृकुटीमण्डपस्थित रत्नराज्य लक्ष्मी क्याम्पस(आरआर) अगाडि उनीहरुले प्रदर्शन गरेका हुन्।

'उनीहरुले प्रतिगमन नाइके केपी ओली मुर्दावाद', 'ए प्रतिगमनका बा अब त अति भो राष्ट्रलाई क्षति भो' लगातयतका नारा लेखेको ब्यानर प्रदर्शन गरेका थिए भने ओली सरकारविरुद्धको नाराबाजी गरेका थिए।