वासिङ्टन- अन्तर्राष्ट्रिय मुद्रा कोष (आईएमएफ) ले शुक्रबार विश्वव्यापी उष्णता (ग्लोबल वार्मिङ) लाई कम गर्न र यस दशकमा कार्वनको वृद्धि न्यून विन्दुमा पुर्याउन सहयोग पुर्याउन अन्तर्राष्ट्रिय कार्वन मूल्य सीमा स्थापना गर्ने प्रस्ताव गरेको छ।
'कार्वनमा विस्तारै बढ्दो मूल्यले नयाँ र नवीकरणीय ऊर्जा, स्वच्छ गतिशीलता, र कार्वन प्रविधिको प्रयोगलाई न्यून बनाउन प्रोत्साहित गर्नेछ,' आईएमएफकी प्रबन्ध निर्देशक क्रिस्टलिना जर्जियावाले ब्रुकिंग्स इन्स्टिच्युसनद्वारा आयोजना गरेको एक कार्यक्रममा बताइन्।
'विश्वव्यापी तापक्रमलाई १.५ प्रतिशतदेखि दुई प्रतिशतसम्म सीमित गर्न सन् २०३० सम्ममा उत्सर्जनलाई एक चौथाइबाट ५० प्रतिशतसम्म कटौती गर्नुपर्ने आवश्यक हुन्छ र यो दशकको अन्त्यसम्ममा प्रति टन ७५ अमेरिकी डलर बराबरको योगदानको वैश्विक उपायविना यस्तो सम्भावना हुँदैन,' उनले भनिन्। हालको विश्वव्यापी औसत उत्सर्जन मूल्य प्रतिटन तीन डलर मात्र रहेको छ।
विश्वभर ६० भन्दा बढी नेसनल तथा सवनेशनल कार्वन मूल्य निर्धारण योजनाहरूको साथ प्रगति भएको उल्लेख गर्दै जर्जियावाले भनिन्, 'यस क्षेत्रका लागि हामीले धेरै लामो सहयात्रा गर्नुछ। आईएमएफका अधिकारीहरूले शुक्रबार अन्तर्राष्ट्रिय कार्वन उत्सर्जन सीमा प्रस्ताव प्रकाशित गरेका छन् जुन यस दशकको अवधिमा कार्वन वृद्धिलाई न्यून विन्दुमा छिट्टै पुर्याउने लक्ष्य हासिल गर्न कसरी मद्दत गर्दछ भन्ने कुरा तय गर्छ।'
उनले योगदान सीमाबारे तीन महत्त्वपूर्ण तत्वहरूलाई जोड दिँदै भनिन्, 'यसले केही ठूला उत्सर्जनकर्ताहरूमा ध्यान केन्द्रित गर्दछ। जस्तै केही वा सबै जी-ट्वन्टी समूह राष्ट्रको सम्झौता कार्वन उत्सर्जनको न्यूनतम योगदानको विषयले विभिन्न देशहरूमा ‘एकैसाथ काम’ गर्ने अनुमति दिनेछ। समान कार्वन योगदान सीमा सम्झौता ‘लचिलो, व्यावहारिक, र न्यायसङ्गत' हुनेछ र विभिन्न विकास स्तरहरू र ऐतिहासिक उत्सर्जनको आधारमा भिन्नभिन्न मूल्य निर्धारणका साथ देशहरूमा विभिन्न जिम्मेवारीहरूको लागि सुरूआत हुनेछ।'
आईएमएफ प्रमुखले भनिन्, 'कार्वन मूल्य सीमा व्यवस्थाको मतलब कार्वन कर समान हुँदैन। जबकि, कर एक कुशल संयन्त्र हो, कार्वन उत्सर्जन योगदान सीमाले नियमन वा उत्सर्जन व्यवसायमा समान परिणाम प्राप्त गर्दछ। साथै, अन्य नीति तथा उपायमार्फत् यसले काम गर्न सक्दछ।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791448938.png)
-1786602170.png)
-1791388337.png)
