काठमाडौं– ट्राफिक नियम मिच्ने प्रवृत्ती निरुत्साहित गर्न सरकारले ट्राफिक जरिवाना ५ हजार रुपैयाँसम्म बनाउने तयारी गरेको छ। थोरै जरिवानाका कारण नियम मिच्ने प्रवृत्ती नरोकिएपछि सरकारले ५ गुणासम्म जरिवाना बढाउन लागेको हो।
बुधबार मन्त्रालयमा बसेको बैठकका सहभागीहरुले कम जरिवानाका कारण चालक नसुध्रिएको बताएपछि गृहमन्त्री बादलले आवश्यकता अनुसार जरिबाना शुल्क समेत बढाउन निर्देशन दिएका हुन्। जसअनुसार यातायात व्यवस्था विभागले जरिवाना बढाउने प्रक्रिया अघि बढाएको छ।
हाल ट्राफिक नियम उलङ्घन गर्दा पाँच सय देखि एक हजार रुपैयाँसम्म मात्रै जरिवाना रहेकोमा यसलाई बढाएर तीन हजार देखि पाँच हजार सम्म पु¥याउने प्रक्रिया यातायात व्यवस्था विभागले सुरु गरेको हो।
ट्राफिक नियमलाई कडाई गर्न सके सवारी जामको समस्या र दुर्घटनाको घटनामा उल्लेख्य कमी आउने निष्कर्षका साथ ट्राफिक जरिवाना बढाउन लागिएको हो।
बुधबारको बैठकमा गृहमन्त्री बादलले सवारी दुर्घटना न्युनिकरण र ट्राफिक नियमको पालनाका लागि कडाईका साथ लाग्न ट्राफिक प्रहरीलाई निर्देशन दिएका थिए। सोही अनुसार ट्राफिक महाशाखाले कडाई गरिएको जनाएके छ।
काठमाडौँ उपत्यकामा बुधबारदेखि नै तीन पाङ्ग्रे टेम्पुहरुमा सिट संख्या भन्दा बढी यात्रु राख्न नपाईने व्यवस्था कडाईका साथ लागु गरीएको छ ।
आगामी आईतबार देखि माईक्रोमा समेत सिट संख्या भन्दा बढी यात्रु राख्न नपाउने व्यवस्थालाई कडाईपूर्वक लागु गर्न लागिएको महानगरी ट्राफिक प्रहरी महाशाखाले जनाएको छ। यस्तै मिटरमा चल्न नमान्ने ट्याक्सी र मिटर जडान नगरेको ट्याक्सीलाई समेत ट्राफिकले कारवाहीलाई तिव्रता दिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770979298.jpg)
-1764146706.png)
-1770562345.jpg)
